Авиалесоохрана иһитиннэрбит чахчыларынан, 166 ойуур баһаара бэлиэтэнэр. Ойуур баһаарын кытары 4,9 тыһ. киһи охсуһар, 867 тиэхиньикэ туһаныллар.
Өргөхтөөх, Орто Сурт, Таастаах, Кырыкый, Мэлдьэхси, Ударник, Фрунзе, Үөдэй уонна Бээрийэ нэһилиэнньэлээх пууннар тастарыгар умайар ойуур баһаарын умулларыыга Арассыыйа Ыксаллаах быһыыга-майгыга министиэристибэтин исписэлиистэрэ үлэлииллэр.
Суукка иһигэр РФ ЫБМ сөмөлүөтэ сэттэ сиргэ дьону таспыт уонна Нам, Горнай улуустарын сиригэр кэтэбил оҥорбут.
«РФ ЫБМ исписэлиистэрэ Нам, Томпо, Горнай, Үөһээ Бүлүү, Уус Алдан, Хаҥалас, Чурапчы улуустарын сиригэр үлэлииллэр. Бу улуустарга уустук балаһыанньа үөскээбит. Халлаан туругуттан көрөн Улахан эбэ, Харыйалаах, Фрунзе, далыр, Кырыкый, Өргөлөөх, Бүтэйдээх уонна Хомустаах сирдэригэр умайар баһаарга Арассыыйа ЫБМ авиацията туттуллуоҕа», -- диэн РФ ЫБМ Саха Өрөспүүбүлүкэтээҕи салаатын начаалынньыга Павел Гарин эппит.
-
0
-
0
-
0
-
0
-
0
-
0
