- Өрөспүүбүлүкэ Аҕа баһылыгын Ил Түмэҥҥэ туһаайан этиитэ 2018 сылтан саҕалаан түмүктүүр этиитэ буоларын бэлиэтиэхпин баҕарабын, тоҕо диэтэххэ, алтыс ыҥырыылаах Ил Түмэн дьокутааттара Ил Дарханы кытта тэҥҥэ талыллыбыттара.
Эһиилги 2023 сыл Саха Сиригэр Үлэ сылынан биллэрилиннэ. Сунтаар улууһугар төрөөбүт уонна биир мандааттаах уокурук Сунтаар улууһун бэрэстэбиитэлэ буоларым быһыытынан, быйыл дойду Бэрэсидьиэнэ Владимир Путин «Кириэстээх» тыа хаһаайыстыбатын кооперативын ыанньыксытыгар Владимир Африканович Михайловка «Арассыыйа Федерациятын Үлэҕэ Дьоруойа» мэтээли уонна үрдүк ааты иҥэрбитинэн киэн туттабын. Сунтаардар уонна уопсайынан саха дьоно үлэбитинэн-хамнаспытынан, үлэҕэ ураты сыһыаммытынан уратылаахпыт. Биһиги өрүү үлэ үөһүгэр сылдьабыт уонна биһиэхэ үлэ диэн судургута суох тыл буоларын өйдүүбүт.
Ил Дархан Ил Түмэҥҥэ туһаайан этиитэ үчүгэй, ол эрэн кириитикэ эмиэ баар буолла. Бу бородууктаҕа, аска-үөлгэ куттала суох буолууну үөскэтиигэ сыһыаннаах. Өрөспүүбүлүкэбит бу хайысхаҕа күүстээх хонтуруолга наадыйар, бородууксуйаҕа, аска-үөлгэ куттал суох буолуутугар кэккэ ыйытыктар бааллар. Ол эрээри, дьокутааттарга туһаайан этиллибит соруктарга олоҕуран, Саха Сиригэр бэйэ оҥорон таһаарар бородууксуйатыгар куттала суох буолууну хааччыйыыга үлэни күүһүрдүөхпүт дии саныыбын.
-
0
-
0
-
0
-
0
-
0
-
0
