Бүгүҥҥү балаһыанньа хайдаҕын-тугун билсээри Дьааҥы улууһун баһылыга Гаврил Чириковка төлөпүөнүгэр эрийэн билсибиппитигэр, «Бу күннэргэ нэһилиэнньэ бары күргүөмүнэн кэриэтэ тахсан, баһаар уотун утары охсустубут. Бэҕэһээҥҥи диэри сөптөөх ханаабалары хаһан, уот айанныырын тохтотон баран, аны умуруорууга ылсыбыппыт. Таҥара баар эбит, бүгүн сарсыардаттан ардыы турар, ол иһин бүгүн тохтоон эриэххэ диэн буолла. Уопсайынан, син кыаҕын ыллыбыт, онон куттал суоһаабат. Дьокуускайтан «Лесресурсохрана» тэрилтэтэ 17 киһини көмөҕө ыыппытыттан аҕыһа Эбээн-Бытантай улууһун Кустуурун аттыгар турбут уокка көмөлөстө.
Онон арыый да үөһэ тыынныбыт. Билигин улуус үрдүнэн БКЭ-ни туттарыы саҕаланыаҕа. Окко киирэн көрүөх этибит. 20-тэн тахса күн халлаантан биир хааппыла түспэккэ, от үүнүүтэ адьас мөлтөх. Арыый тыын ыла түһэн баран, оттуур сирбитин көрүөхпүт-истиэхпит”, - диэн иһитиннэрдэ.
-
0
-
0
-
0
-
0
-
0
-
0
