Бастатан туран, Хабаровскай, Кокшетау бэстибээллэригэр кыттан ситиһиилэнэн кэлбит артыыстар сонуннарын кэпсээтилэр, Ону таhынан, кэлэктиип айар соруктарын чопчулаата.
Балаҕан ыйын бүтэhик күннэригэр Ньурба тыйаатырын артыыстара Хабаровскай куоракка Уhук Илин тыйаатырдарын IV бэстибээллэригэр кытыннылар. СѲ искусстволарын үтүѳлээх диэйэтэлэ, режиссер Юрий Макаров туруоруутугар «Син биир буолбаат?!!» испэктээги кѳрдѳрѳн, кириитиктэр биhирэбиллэрин ыллылар.
Оттон Казахстан Ѳрѳспүүбүлүкэтин Кокшетау куоратыгар балаҕан ыйын 29 к.— алтынньы 4 к. ыытыллыбыт «ТеАРТ Кокше 2023» V норуоттар икки ардыларынааҕы бэстибээлгэ Юрий Макаров туруоруутугар «Марба» испэктээгин кѳрдѳрѳн, Ньурба тыйаатырын труппата «Серебряный беркут» бирииhи ылары ситистэ. Бэстибээлгэ Казахстан, Армения, Грузия, Кыргызстан уонна Арассыыйа тыйаатырдара кытыннылар.
Алтынньы 7 күнүгэр тѳрүт сирдэригэр дьэ үктэнэн баран, Ньурба артыыстара Дьокуускай куорат "Арассыыйа - мин историям" мультимедийнэй-историческай пааркатыгар режиссер Маргарита Васильева - Хотууна «Этиҥ» иммерсивнэй испэктээгин туруордулар.
-
2
-
0
-
0
-
0
-
0
-
0
