Издательский дом Редакция Подписка
Погода в Якутске: . -11 oC

Христина Степановна Черова 37 сыл үлэ ыстааһыттан, 22 сылын эҥкилэ суох Абый улууһун Майыар нэһилиэгэр социальнай үлэһитинэн үлэлиир.

Христина Степановна Черова 37 сыл үлэ ыстааһыттан, 22 сылын эҥкилэ суох Абый улууһун Майыар нэһилиэгэр социальнай үлэһитинэн үлэлиир.

Кини кыһыннары-сайыннары аҕам саастаах, доруобуйаларынан хааччахтаах, кыммат-кыаллыбат дьону кытары алтыһар. Күн ахсын бородуукталарын, эмтэрин хас биирдиилэригэр дьиэлэригэр атыылаһан аҕалар. Ол эрэ буолуо үһү дуо, оннооҕор дьиэлэрин мала алдьаннаҕына өрөмүөннүүр, кыһынын хаардарын күрдьэр. Ыарыйдахтарына, балыыһаҕа илдьэн эбэтэр суһал көмөнү ыҥыран көрдөрөр, сороҕор улуус балыыһатыгар киллэрэр-таһаарар.
Саастаах дьону кытары үлэлииргэ, биллэн турар, тулуурдаах буолуу, үчүгэй сыһыан наада.

Бу эйгэҕэ ыллыҥ даҕаны үлэлээбэккин. Ис туругун бэлэм буолуохтаах. Аһыныгас, амарах санаа салайыахтаах. Нэһилиэнньэ кыаммат араҥата сылаас сыһыаҥҥа олус наадыйар. Кинилэр олохторугар киирэн, кыһалҕаларын чугастык ылыннаххына эрэ өр үлэлиигин.

черева 3
-- Хас биирдии социальнай үлэһит үтүө тылы иһиттэҕинэ, санаалыын чэпчээн, “өссө тугунан эмэ олохторун чэпчэппит, үөрдүбүт киһи” дии саныыр. Көмөлөһөр дьонум үөрбүт харахтара, махтанар тыллара миэхэ туохтааҕар да күндү.
Үлэбиттэн быһа тардан кэпсээтэххэ, хас биирдии көмөҕө наадыйааччыга санааларын истэн, олорор усулуобуйаларын көрөн, үлэм хайысхата тус былаанынан оҥоһуллан барар. Дьыл кэмиттэн көрөн уларыйыан сөп. Нэдиэлэҕэ иккитэ сылдьабыт, бородуукталарын атыылаһан илдьэбин, хаан баттааһыннарын кэмниибин. Дьиэ быыллааһына, сууйуута, кыһыҥҥы өттүгэр тиэргэн хаарын күрдьүүтэ – барыта мин эбээһинэспэр. Саас эдэр ыччаты кытары көмөлөөн, хаар түһэрэбит, таһабыт. Ону таһынан олохтоох дьаһалта исписэлииһин кытта көмөҕө наадыйар дьон докумуон хомуйсан, туһааннаах тэрилтэлэргэ туттарабыт.
Киһи үлэтигэр ис санаатыттан кыһалыннаҕына эрэ үлэ табыллар дии саныыбын. Хас биирдии үлэ бэйэтэ туспа сыаллаах-соруктаах, сыралаах, эппиэтинэстээх. Социальнай сулууспа үлэһитэ улахан сүҥкэн суолталаах үлэни толорор. Кыаммат-түгэммэт киһиэхэ күүс-көмө, күннэтэ өйөбүл, үтүө майгы, тулуур, аламаҕай буолуу, болҕомтолоох сыһыан үтүө холобурунан буолар. Күннэтэ биһиги кыһалҕалаах дьоҥҥо көмөлөһөн, санааларын көтөҕөн, олоххо тардыһыыларын үксэтэбит, бөҕөргөтөбүт, инникигэ эрэли үөскэтэбит.
Социальнай үлэһит быһыытынан Христина Степановна кыаммат дьиэ кэргэннэргэ, аҕам саастаах, доруобуйаларынан хааччахтаах дьоҥҥо араас элбэх көмөлөрү оҥорор. Ол иһигэр араас боппуруостаах дьоҥҥо күүс-көмө, сүбэ-ама буолар.

-- Мин билигин нэһилиэкпэр 8 киһини көрөбүн. Былырыын 10 этилэр, ол эрэн икки кырдьаҕаһым бу орто туруу дойдуттан бараахтаатылар. Мин саамай өйбөр хаалбыт киһибинэн соҕотох олорор кырдьаҕас Татаринов Николай Семёнович буолар. Бүтэһик күннэрин реабилитационнай кииҥҥэ атаарбыта. Бэйэтэ Кэбэргэнэ буолбатах этэ, Үөһээ Дьааҥыттан төрүттээҕэ. Манна аймахтара суох этэ, мин көрүүбэр сылдьыбыта. Оҕолорум аймахпыт курдук ылыналлара, эһээ Ньукулай диэн ааттыыллара. Кэлин анаан көрдөрүнүүгэ наадыйар буолбута. Онуоха реабилитационнай кииҥҥэ ол кэмҥэ начаалынньык Елена Ильяхова: “Биһиэхэ киирэн сытан эмтэн”, -- диэбитин ылыммыта. Мин этэрбэр кыыһырар этэ. Кырдьаҕас киһиэхэ, дьиҥэ, кыра да наада. Күннээҕи олохторун дьаһахтарын кэпсэтэбит, доруобуйаларын көрөбүн.


Кэбэргэнэ курдук ыраах Аартыка нэһилиэгэр билиҥҥээҥҥэ диэри тимуровскай үлэлэр салҕаналларын үөрэ иһиттим. Ол курдук, соҕотох олорор кырдьаҕастарга оскуола оҕолоро, эдэр ыччат, тэрилтэлэр саас, күһүн субуотунньугунан көмө буолаллар, матырыйаалынай көмө оҥороллор.

черева 2
Христина Степановна бэйэтин үлэтин таһынан актыыбынай уопсастыбанньык. Түөлбэтин көхтөөх кыттааччыта. Өр кэмҥэ төрөппүт кэмитиэтигэр үлэлээбит. Билигин даҕаны бэтэрээннэр сэбиэттэрин уонна инбэлииттэр уопсастыбаларын кытары ыкса үлэлиир.
Эҥкилэ суох үлэтин иһин элбэх грамота, наҕараада хаһаайката. Ол иһигэр Абый улууһун социальнай харалтатыгар кылаатын иһин түөскэ кэтэр бэлиэлээх. Түөрт оҕо амарах ийэтэ, тоҕус сиэн тапталлаах эбэтэ.
Кэпсэтиибит түмүгэр Христина Степановна чэпчэкитэ суох, ол эрээри сырдык санаанан салайтаран үлэлии сылдьар бары биир идэлээхтэригэр кэлбит идэлээх бырааһынньыктарынан эҕэрдэлиир. Бу уустук кэмҥэ бэйэлэригэр уонна көрөр дьонноругар чэбдик туругу баҕарар.

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23