Бэбиэскэнэн 12 боппуруос турбутун, иккини көтүрдүлэр, биир боппуруоһу толорон баран аныгыскы кэмитиэт мунньаҕар көрөргө быһаардылар.
Маҥнайгы боппуруоһунан 33 №-дээх Усуйаана мировой судьуйатын дуоһунаһыгар Юрий Анисимов кандидатуратын көрдүлэр. Юрий Семенович өр сылларга юридическай салааҕа үлэлээбит уопуттаах. Онон кини кандидатуратын бигэргэтиини аныгыскы пленарнай мунньахха киллэрдилэр.
Иккис боппуруоһунан СӨ уопсастыбаннай палаататыгар биир миэстэҕэ хандьыдааттары көрдүлэр. Санатан эттэххэ, бу иннинэ үлэлии сылдьыбыт чилиэн Светлана Давыдова Ил Түмэнҥҥэ дьокутаатынан талыллан миэстэтин босхолообута. Уопсайа 4 кандидатура киирбититтэн, биирин уһуллулар, үс хандьыдааты сиэссийэҕэ кистэлэҥ куоластааһыҥҥа киллэрэргэ куоластаатылар. Манна даҕатан эттэххэ, хандьыдааттарга сайаапкалары хомуйуу болдьоҕо сэтинньи 20 күнүгэр түмүктэнэр, онон сайаапка эбии киирдэҕинэ эбии мунньах ыытыллыа диэн бэрэссэдээтэл эттэ.
Атын боппуруостар сокуоҥҥа уларытыылары киллэриилэр тула буоллулар. Сахабыт Сирин сокуоннарын федеральнай сокуоннарга сөп түбэһэр гына чочуйан биэрии. Маны тэҥэ сис кэмитиэт сааскы сиэссийэҕэ диэри үлэтин былаанын бигэргэттилэр. .
Сиһилии мунньах туһунан “Ил Түмэн” аныгыскы нүөмэригэр билсиҥ.
-
0
-
0
-
0
-
0
-
0
-
0
