Издательский дом Редакция Подписка
Погода в Якутске: . -7 oC

В.В. Алексеев аатынан Тойон Мүрүтээҕи уолаттар гимназияларыгар кулун тутар 15 күнүгэр, саха суруйааччыларын айар бөлөҕө ыалдьыттаата.

В.В. Алексеев аатынан Тойон Мүрүтээҕи уолаттар гимназияларыгар кулун тутар 15 күнүгэр, саха суруйааччыларын айар бөлөҕө ыалдьыттаата.

Үөрүүлээх линейкаҕа норуодунай поэт Наталья Харлампьева, норуодунай суруйааччы Семен Попов-Сэмэн Тумат, прозаик Данил Макеев, тылбаасчыт Альбина Борисова оҕолорго кинигэни элбэхтик ааҕарга, бэйэ билиитин күннэтэ хаҥатарга сүбэ-соргу биэрдилэр

“Уолан” ааҕар бөлөх 5 “б” кылаас уоланнара Наталья Харлампьева “Кыра уолу маанылыахха” хоһоонун, 10 “б” кылаас уоланнара норуодунай поэт хоһооннорунан уус-уран дьүһүйүүнү доргуччу аахтылар.

н-_2.jpg

Үрдүкү кылаас үөрэнээччилэрин кытары көрсүһүүгэ суруйааччылар литератураҕа хайдах кэлбиттэрин, айар киһи үлэтин, киниэхэ ирдэбил, омкуолатааҕы оҕо саастарын туһунан бэрт интэриэһинэйдик кэпсээтилэр уонна айымньыларыттан ааҕан иһитиннэрдилэр,  ыйытыыларга хоруйдаатылар.

Н-_1.jpg

5 “б” кылаас үөрэнээччитэ Мичил Николаев көрсүһүүгэ Сэмэн Тумакка бэлэмнээбит үс  ыйытыытыгар харда ылаары анаан-минээн сырытта. Ол курдук, Семен Андреевич саамай сөбүлүүр аһа тоҥ балык, саамай ахтар хотугу аһа таба чоҥкута буоларын уонна кэрэттэн кэрэ көстүүнэн дьүкээбил уотун ааҕарын биллибит. Оттон гимназияны быйыл бүтэрэр Егор Заболоцкай суруйааччыларга блиц-ыйытыыны ыытта. Ыалдьыттар бэйэлэрин кинигэлэрин илии баттаан гимназия библиотекатыгар бэлэхтээтилэр.

н-_тумук.jpg

Бу курдук уоланнар саха суруйааччыларын кытта ирэ-хоро кэпсэтэн, өйдөбүнньүк хаартыскаҕа түһэн, тутум үрдээн, астынан тарҕастылар.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением