Иистэнэр сыах тэриллиэҕиттэн тиргиччи үлэлээн, «Эр хоһуун» кэмпилиэги тигиигэ өрөспүүбүлүкэ үрдүнэн улахан хамсааһыны таһаарда. Ол курдук, сыах маастардара бэйэлэрэ таҥас тигэллэрин таһынан, кыһын улуустарынан сылдьан, ийэлэри уонна эбэлэри түмэннэр, анал таҥас бары көрүҥнэрин тигэргэ үөрэппиттэрэ, ону сэргэ таһаарыылаах үлэҕэ көҕүлээннэр куонкурустары тэрийэн ыыппыттара.
«Илии сылааһа» иистэнэр сыах тэриллибитэ биир сылын туолла. Бу кэм устатыгар ийэлэр уона эбэлэр барыта 1 800 устуука «Эр хоһуун» кэмпилиэги тигэннэр, уоппускаҕа кэлэр итиэннэ салгыы сулууспалыы барар биир дойдулаахтарбытыгар биэрэн ыыттылар. Сыах иистэнньэҥнэригэр ситиһиилэри, чэгиэн-чэбдик доруобуйаны баҕарабын.
-
6
-
0
-
0
-
0
-
0
-
0
