Ил Дархан 2016 сыллаахха олохтообут, дириҥ суолталаах Сылгыһыт күнэ билигин да баар үйэлэр ситимин уонна саха норуотун былыргы үгэстэригэр дириҥ ытыктабылы көрдөрөр. Кулун тутар 21 күнэ анал дорҕоонноохтук талыллыбыта: бу “кулун тутар” кэмигэр, биэ төрүүр кэмэ саҕаланар. Айылҕа уонна киһи саҥа олоҕу көрсөллөр, оттон сылгы үөрдэрэ доруобай төрүөхтэринэн толоруллар.
Биһиги өрөспүүбүлүкэбит Арассыыйаҕа сылгы ахсаанынан инники кэккэҕэ сылдьар. Хоту дойду тыйыс усулуобуйатыгар, саха сылгыта – аан дойдуга саамай тымныыны тулуйумтуо кыыл – сыл устата аһаҕас халлаан анныгар иитиллэринэн, эһиги үлэҕит ураты сыаннаһы уонна суолтаны ылар. Эһиги ураты боруоданы харыстыыр эрэ буолбатаххыт, эһиги норуоппут кутун-сүрүн араҥаччылыыгыт, тоҕо диэтэххэ, Дьөһөгөй оҕото былыр-былыргыттан ытык кыыл, күүс, көҥүл уонна олох эниэргийэтин бэлиэтэ буолар.
Кытаанах үлэҕит, төрүт үгэстэри харыстаабыккыт уонна аан дойдуга саха сылгытын кэрэтин кэрэхсээн көрөр кыаҕы биэрбиккит иһин эһиэхэ барҕа махталбытын тиэрдэбит. Бу күҥҥэ идэҕитигэр бэриниилээх буолан, тулуурдаах үлэҕит уонна төрөөбүт дойдугутугар тапталгыт иһин ис сүрэххпититтэн махталбытын ылыныҥ. Эһиэхэ бөҕө доруобуйаны, дьиэ кэргэҥҥитигэр дьолу-соргуну, уҕараабат эниэргийэни уонна ыраас халлааны баҕарабыт!
Дьоллоох буолуҥ, ситиһиилэрдээх буолуҥ! Күн сирин көрбүт хас биирдии кулунҥҥут чэгиэн-чэбдик уонна кэрэ буолан улааттын, оттон сылгыгыт үөрэ элбээн, хас биирдии дьиэҕэ үөрүүнү уонна сайдыыны аҕалтын!
Истиҥ эҕэрдэни кытары Александр Атласов, Ил Түмэн тыа сиригэр уонна аграрнай бэлиитикэҕэ сис кэмитиэтин бэрэссэдээтэлэ
Хаартыска: Владимир Григорьев.
-
0
-
0
-
0
-
0
-
0
-
0
