Сэтинньи 24 күнүгэр парламеҥҥа бүддьүөт, үп-харчы, нолуок уонна сыана бэлиитикэтигэр, бас билии уонна приватизация боппуруостарыгар сис кэмитиэтин киэҥ мунньаҕар «2022 сыллааҕы уонна былааннанар 2023-2024 сс. Саха Өрөспүүбүлүкэтин судаарыстыбаннай бүддьүөтүн туһунан» сокуон барылыгар сөбүлэһиннэрэр хамыыһыйалар боротокуолларын көрдүлэр. Киэҥ мунньахха СӨ бырабыыталыстыбатын бэрэссэдээтэлэ Андрей Тарасенко, СӨ бырабыыталыстыбатын бэрэссэдээтэлин бастакы солбуйааччыта Кирилл Бычков, бырабыыталыстыба чилиэннэрэ уонна норуот дьокутааттара кыттыыны ыллылар.
Парламентарийдар 2022-2024 сылларга үлэтэ бүтэн эрэр уонна өрөспүүбүлүкэ тэрээһиннэрин ыытар эбийиэктэрин тутуутун түмүктүүргэ сыл ахсын 400 мөл. солк. кээмэйдээх үбү көрөргө этии киллэрдилэр. Онон, бырабыыталыстыба бэлэмнээбит 230 мөл. солк. кэриҥэ сыллааҕы бүддьүөт көннөрүүтүгэр эбии 170 мөл. солк. (уопсай суумата 400 мөл. солк.) эбэргэ этии киллэриллибитэ.
Куоластааһын түмүгүнэн көннөрүүлэр бигэргэннилэр уонна «Мин Сахам сирэ XXI үйэҕэ» үтүө дьыала хамсааһын хайысхатынан үлэтэ бүтэн эрэр уонна өрөспүүбүлүкэ тэрээһиннэрин ыытар эбийиэктэрин тутууларын түмүктүүргэ үбүлээһини 170 мөл. солк. улаатыннарарга быһаарыы ылылынна.
-
0
-
0
-
0
-
0
-
0
-
0
