Издательский дом Редакция Подписка
Погода в Якутске: . -14 oC

Тохсунньу 10 күнүгэр Петрозаводскай куоракка, Карелия Өрөспүүбүлүкэтин киинигэр, Арассыыйа төрүт омуктарын тыйаатырдарын ассоциациятын төрүттүүр мунньаҕа буолла. Тэрээһиҥҥэ Саха сириттэн култуура уонна духуобунай сайдыы миниистирэ Юрий Куприянов, ону тэҥэ П.А. Ойуунускай аатынан Саха акамедическай тыйаатырын дириэктэрэ Петр Макаров кыттыыны ыллылар. Ассоциация кэккэтигэр Саха сирин сэргэ Арассыыйа эрэгийиэннэриттэн уонна национальнай өрөспүүбүлүкэлэриттэн 31 тыйаатыр киирдэ.

Тохсунньу 10 күнүгэр Петрозаводскай куоракка, Карелия Өрөспүүбүлүкэтин киинигэр, Арассыыйа төрүт омуктарын тыйаатырдарын ассоциациятын төрүттүүр мунньаҕа буолла. Тэрээһиҥҥэ Саха сириттэн култуура уонна духуобунай сайдыы миниистирэ Юрий Куприянов, ону тэҥэ П.А. Ойуунускай аатынан Саха акамедическай тыйаатырын дириэктэрэ Петр Макаров кыттыыны ыллылар. Ассоциация кэккэтигэр Саха сирин сэргэ Арассыыйа эрэгийиэннэриттэн уонна национальнай өрөспүүбүлүкэлэриттэн 31 тыйаатыр киирдэ.

Бастакы мунньахха саҥа төрүттэммит уопсастыбаннай тэрилтэ сэбиэтин уонна салалтатын бигэргэттилэр. Маныаха уопсай быһаарыынан бас салайааччынан Арассыыйаҕа аатырар Санкт-Петербургдааҕы Александринскай тыйаатыр уус-уран салайааччыта, режиссер Валерий Фокин талылынна, онтон эппиэттиир сэкиритээринэн тыйаатыр ускуустубатын кириитигэ Андрей Пронин буолла. Салайар сэбиэккэ биһиги өрөспүүбүлүкэбититтэн дойдуга киэҥник биллэр култуура уонна ускуустуба диэйэтэлэ, Саха тыйаатырын уус-уран салайааччыта Андрей Борисов, Татарстаан академическай тыйаатырын сүрүн режиссера Фарид Бикчантаев, Псковстааҕы академическай дыраама тыйаатырын уус-уран салайааччыта Дмитрий Месхиев, онтон да атыттар ааттаннылар.

41e4c06d-195e-49df-b797-a31a82cf1d7b.jpg

Миниистир Юрий Куприянов дойдуга төрүт омуктар тыйаатырдарын ассоциациятын тэрийии – идэтийбит таһымҥа үлэлиир национальнай тыйаатырдары сайыннарыыга эрэгийиэннэр кыахтарын, сүбэлэрин холбоон, баар кыһалҕалары, харгыстары быһаарарга дьоһуннаах хардыы буоларын чорботон бэлиэтээтэ.

«Тыйаатыр эйгэтин кэҥэтэн, ыччаты ускуустубаҕа сыһыаран, төрөөбүт тылы харыстааһын, норуоттар литератураларын, драматургуяларын сайыннарыы, эдэр ааптардары, режиссердары таһаарыы – омук уратытын, тыыннаах хаалар суолун тобулуу буолар. Бу хайысхаҕа сорох түгэннэргэ Сахабыт сирин уопута атыттары сэҥээрдиэн, сөхтөрүөн да сөп», – диир Юрий Степанович.

f6ce73b4-851c-4d7e-bec0-2b22e6593f89.jpg

Кини өрөспүүбүлүкэ салалтатын таһымыгар национальнай тыйаатырдары өйүүргэ ураты болҕомто баарын ыйар. Холобур, быйыл сайын Ньурбатааҕы дыраама тыйаатырын аныгылыы тииптээх саҥа дьиэтэ үлэҕэ киириэхтээх. Федеральнай үптэн харчы көрүллэн, Саха тыйаатыра истиин-тастыыр өрөмүөннэннэ. Сотору кэминэн Эпос уонна ускуустуба Арктикатааҕы киинэ тутуллан бүтүө. Маныаха үгэс буолбут дыраама хайысхалаах тыйаатыры эрэ тутан олорбокко, аныгы көрөөччүнү кытта уус-уран айымньы, фольклор нөҥүө сонун уонна сэргэх алтыһыы, хардарыта дьайсыы үтүө көрүҥнэрэ олохсуйбуттарын сэһэргээтэ.

«Быйыл сайын Санкт-Петербурдааҕы Александринскай тыйаатыр Саха сиригэр кэлэн гостуруоллуоҕа. Маны сэргэ саҥа төрүттэммит ассоциация Арассыыйа төрүт омуктарын тыйаатырдарын кэнгириэһин биһиги эрэгийиэммитигэр тэрийиэҕэ. Бу буолар өрөспүүбүлүкэбит 100 сылыгар дьоһун бэлэх – Саха сирэ тыйаатыр ускуустубатыгар ситиспит чыпчаалларын билинии уонна оҥорбут үтүөлэрин сыаналааһын», – диэн киэн тутта кэпсиир миниистир Юрий Куприянов.

ce034c22-55e2-4f71-9aac-cd3f5aa93a2f.jpg

Төрүттүүр мунньах кыттыылааҕа, Саха тыйаатырын дириэктэрэ Петр Макаров көҕүлээһин ураты суолталааҕын уонна ассоциация тоҕоостоох кэмҥэ тэриллибитин бэлиэтээн туран, хамсааһын дьаһалларыгар Саха сирэ көхтөөхтүк кыттар санаалааҕын туһунан кэпсээтэ.

«Саха тыйаатыра Арассыыйа уонна СНГ дойдуларын төрүт омуктарын тыйаатырдарын ортолоругар түөрт «Кыһыл көмүс маасканы» ылбыт, түөрт СССР уонна түөрт РФ судаарыстыбаннай бириэмийэлэрин лауреата буолбут соҕотох тэрилтэ буолар. Онон бу далааһыннаах түмсүүгэ бэйэтин санаатын этэр, дьаһаллары тэрийсэр сүрүн былаһаакка буолуо», – диэн эрэллээх санаатын биллэрэр эдэр салайааччы Петр Тимофеевич.

48b63733-dfdc-4613-91ed-78b54fc3756c.jpg

Кэмпириэнсийэҕэ иһитиннэрбиттэринэн, быйылгы былааҥҥа Петербурга уонна Казаньҥа эрэгийиэннэр тыйаатырдарын исписэлиистэригэр сайыҥҥы оскуола, сыана үлэһиттэригэр идэни үрдэтэр куурустар, литературнай үлэһиттэргэ уонна продюсердарга аналлаах үөрэх бырагыраамата киирбит. Онон аҕыйах кэминэн тыйаатыр салалтата эрэ буолбакка бары таһымҥа уонна араас хайысхаларынан быһа алтыһар, сылдьыһар, уопут атастаһар кыах баар буолуоҕа.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением