Эдьигээн улууһуттан Василий Васильевич Беленков баһаартан куттал суох буолуутун хааччыйыыга олоҕун 31 сылын анаабыт:
-- Мин Эдьигээн баһаарынай чааһыгар үлэлээбитим номнуо 31-с сыла. Бастакы уон сыл устата суоппардаабытым.
Уоту кытта охсуһуунан муҥурдаммакка эрэ, ыксаллаах-быһыы майгы тахсар түгэнигэр баһаарынай сулууспа байыастара көмөҕө бастакы кэлэбит. Ону тэҥэ, баһаары утары сэрэтэр, өйдөтөр үлэлэри тиһигин быспакка ыытабыт. Баһаары утары охсуһар этэрээккэ 30 үлэһит баар, онон ыстаат толору. Чааспытыгар 3 бойобуой массыыналаахпыт.
Биллэн турар, баһаарынай сулууспа байыаһа эт-хаан өттүнэн толору бэлэмнээх, түргэн-тарҕан туттунуулаах, туохтан да толлон турбат, хорсун майгылаах буолара ирдэнэр. Онон каадырдары кытары үлэлиирбитигэр оҕолору оскуола саастарыттан көрөн бэлэмниибит.
Бэйэм уопсастыбаннай үлэбин сырдаттахха, гиирэ успуордугар улууспар уопсастыбаннай тириэньэрбин. Бу көрүҥҥэ Сахабыт Сирин үрдүнэн кэккэ ситиһиилэрдээхпит, -- диэн кэпсээтэ.
-
0
-
0
-
0
-
0
-
0
-
0
