“Түөкүттэр ОДьКХ эбэтэр управляющай хампаанньа үлэһиттэрэ буолан кубуланан кырдьаҕастарга өйөбүл саҥа бырагыраамата арыллыбытын туһунан иһитиннэрэллэр. Маныаха төлөөһүнү эрдэ оҥорор ирдэнэрин этэллэр”, - диэн ИДьМ иһитиннэрэрин ТАСС суруйар.
Маны сэргэ, ирдэнэр мэдиссиинэ страховкатын саҥардар туһунан албастаналлар. Бу түөкүттэр киһи персональнай дааннайдарын ыла сатыыр ньымалара. Маны сэргэ, уот эбэтэр уу счетчиктарын чэпчэтиллибит сыананан уларытыы туһунан эрийэллэрэ бэлиэтэммит.
Маннык гынан, түөкүттэр харчыны тутатына уорууга буолбакка, салгыы бу киһини уйулҕа өттүнэн хонтуруоллуурга дьулуһалларын сэрэттилэр.
ИДьМ сэрэтэринэн, түөкүттэр албыннааһын араас ньыматын туһаналлар. Албастарга араас онлайн-атыылаһыы платформатыгар эмиэ түбэһиэххэ сөп. Онон, сэрэхтээх буоларга ыҥыраллар.
-
0
-
0
-
0
-
0
-
0
-
0
