Балаҕан ыйын 1 күнүн көрсө, улахан маҕаһыыннар ааттарыттан түөкүттэр оҕо таҥаһын сабыылаах атыытыгар (распродажа) кыттарга этиилэри ыыталларын туһунан РИА Новости «Народнай фронт» «Мошеловка» платформатын пресс-сулууспатыгар сигэнэн иһитиннэрэр.
Эспиэрдэр этэллэринэн, албынньыттар оҕо таҥаһын, канцелярияны уонна электрониканы атыылыыр бөдөҥ маҕаһыыннары үтүгүннэрэн фишинговай саайтары арыйаллар.
Ону тэҥэ бу дьон социальнай ситимнэргэ «ыскылаат тобоҕун кистэлэҥ суһаллык суох гыныы» диэн реклама тарҕатар эбиттэр.
Өскөтүн атыылаһааччылар сымыйа былаһааккаҕа сакааһы оҥордохторуна, харчылара түөкүттэргэ барарын, оттон каарта реквизиттара аһаҕас эйгэҕэ тахсарын сэрэтэллэр.
«Мошеловка» исписэлиистэрэ Арассыыйа олохтоохторугар олус намыһах сыаналаах этиилэртэн, ону тэҥэ социальнай ситимнэргэ эрэннэриллэр «ыскылаат тобоҕун кистэлэҥ ликвидацияларыттан» туттуналларыгар сүбэлииллэр.
Маны таһынан интэриниэтинэн атыылаһарга харчыта хааччахтаах туспа виртуальнай каартаны туһанар ордук диэн эспиэрдэр бэлиэтииллэр. Сакаастары итэҕэйиллибит маркетплейстарга уонна официальнай интэриниэт-маҕаһыыннарга эрэ оҥоруохха наада, сайт аадырыһын илиигитинэн бэрэбиэркэлииргитин умнумаҥ.
Хаартыска: Галина Матвеева
-
0
-
0
-
0
-
0
-
0
-
0
