Издательский дом Редакция Подписка
Погода в Якутске: . -12 oC

Саха суруналыыстыкатын Айыы Далбар Хотуна, Саха Өрөспүүбүлүкэтин Бочуоттаах гражданина, “Бочуот Знага” уордьан кавалера, РСФСР уонна Саха АССР култууратын үтүөлээх үлэһитэ, суруналыыстыкаҕа СӨ Судаарыстыбаннай бириэмийэтин лауреата, “Гражданскай килбиэн” хаһаайына,  50-тан тахса сыл “Бэлэм Буол”-“Кэскил” хаһыаттарга кылаабынай эрэдээктэринэн үлэлээбит Нина Иннокентьевна Протопопова төрөөбүт Бүлүүтүгэр киниэхэ аналлаах сквер аһылынна.

Саха суруналыыстыкатын Айыы Далбар Хотуна, Саха Өрөспүүбүлүкэтин Бочуоттаах гражданина, “Бочуот Знага” уордьан кавалера, РСФСР уонна Саха АССР култууратын үтүөлээх үлэһитэ, суруналыыстыкаҕа СӨ Судаарыстыбаннай бириэмийэтин лауреата, “Гражданскай килбиэн” хаһаайына,  50-тан тахса сыл “Бэлэм Буол”-“Кэскил” хаһыаттарга кылаабынай эрэдээктэринэн үлэлээбит Нина Иннокентьевна Протопопова төрөөбүт Бүлүүтүгэр киниэхэ аналлаах сквер аһылынна.

“Бу сквер Бүлүү улууһун педагогтарын үбүлээһининэн оҥоһулунна. Куораппытыгар үһүс бэлэхпит буолар. Ол курдук, Учууталлар аллеяларын уонна норуодунай учуутал М.А. Алексеев скверин туттарбыппыт. 2017 сыллаахха Н.И. Протопопова үбүлүөйдээх тэрээһинигэр Бүлүү улууһун баһылыга С.Н. Винокуров туһаайан эппит сорудаҕын улуус педагогтара чиэстээхтик толордулар”, — диэн эттэ улуус үөрэҕириитин начаалынньыга Наталья Михайловна Семенова.

of2

Үөрүүлээх тэрээһиҥҥэ Нина Иннокентьевна төрөппүт уола Петр Николаевич кэлэн кыттыыны ылла.

of3

--Сквер учууталлар көмөлөрүнэн турбута улахан суолталаах. Биһиги ийэбит төһө да суруналыыстыка эйгэтигэр үлэлээбитин иһин, олоҕун кэнчээри ыччаты иитиигэ анаабыта. Ол курдук, 1959 сылтан 2012 сылга диэри “Бэлэм Буол”-“Кэскил” эрэдээксийэтигэр үлэлээбитэ. Ийэм сырдык аатын үйэтитиигэ бэртээхэй пааматынньыгы, сквери оҥорбуккутун иһин  оҕолорун, сиэннэрин аатыттан махтанабын!

of

Бу сквери оҥорорго тыл көтөхпүт, педагогтары сорудахтаабыт улуус баһылыга Сергей Николаевич Винокуров мустубут дьону эҕэрдэлээтэ уонна: “Нина Иннокентьевна Протопоповаҕа анаммыт сквер баар буолбутуттан улуус эрэ буолбакка, өрөспүүбүлүкэ дьоно-сэргэтэ эмиэ олус үөрдэ. Оннук үтүө киһи этэ биһиги ытыктыыр биир дойдулаахпыт, киэн туттар киһибит”, -- диэтэ.

Бүлүүлэр Нина Иннокентьевна аатын үйэтитиигэ күүскэ үлэлэһэллэр. Ол курдук, 2017 сыллаахха “Кэскил” оҕо айар уонна дьоҕурун сайыннарар киинигэр кини аатын иҥэрбиттэрэ.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением