Издательский дом Редакция Подписка
Погода в Якутске: . -13 oC

Саха тэлэбиидиэнньэтигэр көстөр киинэлэри сөбүлээччи элбэх. Күүтэллэр даҕаны. Ол киинэни элбэх киһи көрөрүгэр анаан, бэрт эрдэттэн киинэ сүрүн ис хоһоонун сырдатар рекламалар күнү быһа бараллар. Дьон киинэни көтүппэккэ көрөн абыраннын диэн. 

Саха тэлэбиидиэнньэтигэр көстөр киинэлэри сөбүлээччи элбэх. Күүтэллэр даҕаны. Ол киинэни элбэх киһи көрөрүгэр анаан, бэрт эрдэттэн киинэ сүрүн ис хоһоонун сырдатар рекламалар күнү быһа бараллар. Дьон киинэни көтүппэккэ көрөн абыраннын диэн. 

Билигин “Быстыбат ситим” киинэ кэлэр. Ол иннинэ көстөн эрэр рекламатын олох сөбүлээбэппин. Киинэни көрө сатаабаппын. Эдэркээн оскуола кыргыттара баттахтаһалларын. «...Кыттыһыма, балтыбын тоҕо тыытаҕын?” эҥин диэн көмүскэһиилээх, бөлөхтөһүүлээх дуу? Дьэ, итинник баттахтаһан тиниктэһиини, эргитэн аҕала-аҕала бүтүн норуот, ыччат көрүүтүгэр күн аайы рекламалааһын туох үчүгэйдээх, туһалаах буолуой?

Кырдьаҕас көлүөнэ дьон оҕолорбутун, ордук кыргыттары хайдах эмэ гынан арчылыыр эрэ айдааннаахпыт. Айылҕаттан кэрэтик, нарыннык ананан айыллыбыттарын харыстаан. Үчүгэй эрэ буоллуннар диэн. Итинник дьиикэйдик баттахтаһыыны көрдөрбөтөххө, бу киинэбитин дьон көрүө суоҕа дииллэрэ дуу? Билбэтим. Көрөөччү син биир көрүө. Онон тутайан барыахтара суоҕа.

Оттон бука, күҥҥэ хал буолуохха диэри хатылаатахха, ыччакка маннык быһыы буолуохтааҕын, күннээҕи көр, саҥа кэмҥэ көмүскэнии өйдөбүлүн курдук, чэпчэкитик сыһыаннаһыыны үөскэтиэн, ол дириҥээн барыан сөп диэн дьиксинэбин.

Ити реклама анныгар, сүүрэр строкаҕа 2022 с. Саха сирин үрдүнэн 13000 буруйу оҥоруу тахсыбытын кэпсээн сэрэтэллэр. Аата элбэҕин! Хас да сыллааҕыта, ИДЬМ субуоккатыгар биир күн дьахталлар икки улууска дьону быһахтаан хаайыллыбыттарын суруйбуттара. Кэрэ аҥардарбыт дьэ, маннык быһыыланан эрэллэрэ, киһини улахан толкуйга түһэрэр. Оттон оннук буруйу оҥоруу кими да харыстаабакка, итинник  баттахтаһыыттан саҕаланан эрдэҕэ... 

Дьиҥэр, РФ Реклама туһунан сокуонун 5-с ыстатыйатынан, сокуоннай саастарын туола илик оҕо олоҕор, доруобуйатыгар кутталлаах итинник быһыыны-майгыны рекламалааһын бобуллар. Онно эбэн өссө бу сокуон 6-с ыстатыйатыгар, күүс өттүнэн өттөйүүнү, суостаах быһыыны рекламалааһыны эмиэ бобор. 

Россия үрдүнэн быйыл Учуутал уонна настаабынньык сыла биллэриллэн турар. Бука, мин санаабар, кинилэр да үөрэ көрбөт буолуохтаахтар. Судаарыстыбаттан үбүлэнэр бэйэлээх бэйэбит тэлэбидиэнньэбит, оскуола кыргыттара эдэр саастарыттан баттахтарыттан сосуһалларын рекламалыыры. Ол элбэх сериялаах киинэ бүтүөр диэри ыйы-ыйынан барыах, көрдөрүллүөх муҥа буоллаҕа...

  • 2
  • 0
  • 0
  • 0
  • 0
  • 0

Комментарии (1)

This comment was minimized by the moderator on the site

Уопсайынан агрессивнай ба5айы сериал. Бары ырдыр5аһа сылдьар курдук кэпсэтэллэр. сценаристоло5у дьиибэ керүүлээх эбит

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23