Кыһынын уһун, бытарҕан тымныылаах Өймөкөөн сирэ сайынын дьэ, киһи соһуйуох, өҥүрүк куйаас эбит! Инньэ гынан ыһыах дьоно, ордук кырдьаҕастар, итииргээннэр, хахха сири көрдүүр түбүгэр түстүлэр. Олус иэдэйиэх дьон киэҥ этнокомплекс икки өттүгэр тардыллыбыт дьоҕус, кылбаа маҥан, икки эркинэ аһаҕас буолан салгыннаах балааккаларга киирэн, сынньанан, сөрүүкээн абыраннылар.
Мин бастакы балааккаҕа сылдьарбар эйэҕэс-сайаҕас уонна кэрэ бэйэлээх эмчиттэр Ганульяна Прокопьева, Анастасия Гермогенова биир ытык бэтэрээни көрө-истэ олороллоро.
– Дьон киирэ турар, сорох күҥҥэ оҕустарбыт, сорох хаанын баттааһына үрдээбит. Биһиги кимиэхэ туох наадатынан көрөн, бастакы «суһал көмөнү» оҥоробут. Сөрүүн уу иһэрдэбит, – дэспиттэрэ кинилэр үөрэ-көтө.
-
3
-
0
-
0
-
0
-
0
-
0
