Издательский дом Редакция Подписка
Погода в Якутске: . 28 oC

Уус Алдан улууһун Лөгөй орто оскуолатын тохсус кылааһын бүтэрбит Антон Тищенко от ыйын 31 күнүттэн атырдьах ыйын 5 күнүгэр диэри Москваҕа, Архитектура коллеһыгар ыытыллыбыт эдэр уустар күрэхтэһиилэригэр кыттан кэллэ.

Уус Алдан улууһун Лөгөй орто оскуолатын тохсус кылааһын бүтэрбит Антон Тищенко от ыйын 31 күнүттэн атырдьах ыйын 5 күнүгэр диэри Москваҕа, Архитектура коллеһыгар ыытыллыбыт эдэр уустар күрэхтэһиилэригэр кыттан кэллэ.

Тимир илииһинэн сарайы бүрүйүү курдук сэдэх, олоххо олус туһалаах көрүҥҥэ Москваттан, Казаньтан элбэх уол кыттыбыт. Антон Лөгөйүн оскуолатын аатын эрэ буолбакка, бүтүн Саха Өрөспүүбүлүкэтин үрдүктүк ааттатан, үөрэн-көтөн кэллэ. Кинитээҕэр ордук учуутала Иннокентий Семёнович Данилов долгуйда. Буолумуна, 15 сыл устата оскуолаҕа үлэ учууталынан үлэлиир Иннокентий Семёнович уһуйааччы быһыытынан Антон уһанарга дьоҕурун өссө бастакы кылаастан үөрэтэн билэр уонна киниэхэ олус эрэнэр эбит. Антон аҕата уһанарын кыра эрдэҕиттэн көрө сылдьан, тутуһан-хабыһан, куукунаҕа туттар тэриллэри, олоппоһу оҥорон, оскуолаҕа үлэ уруогар ылар билиитин-сатабылын эбэн, дьоҕура арыллан испит.

Эдэр уустар үс күннээх күрэхтэһиилэрин түмүгүнэн, бастакы миэстэни Москваттан Вячеслав Долгих, иккиһи Татарстантан Тагир Гизатуллин ылбыттар, үһүс бириистээх миэстэҕэ Саха сирин үөрэнээччитэ Антон Тищенко тиксибит. Уолаттарга кыһыл, үрүҥ көмүс уонна боруонса мэтээллэри кэтэрдибиттэр, дипломнары туттарбыттар. Дьүүллүүр сүбэ бэрэссэдээтэлэ бу оҕолор ханнык баҕарар улахан тутууга кырыыһа бүрүйээччилэринэн үлэлиир кыахтаахтарын, баай фантазиялаахтарын, үрдүк маастарыстыбалаахтарын көрдөрдүлэр диэн өрө көтөҕүллэн эппит. Учуутал сылынан уһуйааччыларыгар Махтал суруктары туттарбыт.

Антон_--_1.jpeg

Иннокентий Семёнович былырыын маннык күрэхтэһиигэ үөрэнээччилэрин Прибылых Васяны, Кычкин Максимы кытыннарбыта, дипломант аатын ылан кэлбиттэрэ. Уһуйааччы уонна үөрэнээччи ситиһиилэринэн бүтүн оскуола киэн туттар.

  • 9
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Сылгы тумнастар бырдаҕа

Орто Халыма улууһугар иккис сылын хараан бырдах түһэн, сүөһүгэ, сылгыга олус ыарахан…
23.07.24 14:51