Бүгүн, кулун тутар 26 күнүгэр сарсыарда 10:00 чааска Нам баһаарынайдара ураты иһитиннэриини туппуттара. Улуус киинин олохтооҕо кэпсээбитинэн, кыра оҕо таҥас сууйар массыына центрифугатыгар киирэн хаайтарбыт.
Быһылаан тахсыбыт сиригэр Нам баһаарынай чааһын диспиэтчэринэн оҕону быыһыырга анаан, А.П. Федоров салайааччылаах үс киһилээх иккис дьуһуурунай харабыл ыытыллыбыта. Баһаарынайдар Озернай уулусса 3-с нүөмэригэр турар дьиэҕэ тиийээт, быыһыыр үлэни оҥорбуттарын түмүгэр, 3 мүнүүтэ иһигэр оҕо быыһанна.
--Мин үлэлээбитим үс сыл буолла. Ол тухары маннык быыһыыр үлэни Нам баһаарынайдара аан бастаан оҥордулар. Биири этиэхпин баҕарабын, ийэлэр, кыра оҕолору кыра да кэмҥэ көрүүтэ суох хаалларымаҥ, -- диэн кэпсээтэ 23 №-дээх Нам улууһунааҕы баһаары утары судаарыстыбаннай сулууспа инструктора Андрей Никонов.
Күндү төрөппүттэр! Кыра саастаах оҕону соҕотохтуу хаалларбаккытыгар итиэннэ баһаартан сэрэхтээх буоларгытыгар ыҥырабыт.
-
20
-
0
-
1
-
12
-
1
-
7
