Издательский дом Редакция Подписка
Погода в Якутске: . 26 oC

Муус устар устар 11-13 күннэригэр Аллараа Халыма улууһун Халарча нэһилиэгэр, Колымскай сэлиэнньэтигэр, Саха Өрөспүүбүлүкэтин чукчаларын төрдүс сийиэһэ буолан ааста.

Муус устар устар 11-13 күннэригэр Аллараа Халыма улууһун Халарча нэһилиэгэр, Колымскай сэлиэнньэтигэр, Саха Өрөспүүбүлүкэтин чукчаларын төрдүс сийиэһэ буолан ааста.

Сийиэскэ Саха Сирин, Чукотка уокуругуттан  уонна Камчатка кыраайыттан түмсүбүт дэлэгээттэр төрөөбүт тыл, иитэр-үөрэтэр үлэ, табаны иитии, социальнай эбийиэктэри тутуу, уо.д.а. туһунан санааларын үллэстибиттэр. Саха Өрөспүүбүлүкэ чукчаларын Ассоциациятын бэрэссэдээтэлинэн Жанна Дьячкова үһүс болдьоҕор талыллыбыт.

чукча_-_през.jpeg

Ил Түмэн култуураҕа уонна маассабай-иһитиннэрэр сириэстибэлэргэ сис кэмитиэтин бэрэссэдээтэлэ Виктор Губарев сийиэс туһунан манык кэпсээтэ:

Түмүккэ сийиэс резолюциятын Саха Өрөспүүбүлүкэтин Бырабыыталыстыбатын уурааҕынан ылынар туһунан этии ылылынна. Тоҕо диэтэххэ, ылыллыбыт резолюциялар толоруллубакка, сийиэстэн сийиэскэ «көһө» сылдьаллара баар суол. Холобур, Колымскайга этно-култуура киинин тутуута эмиэ көһөрүллүбүтэ, инньэ гынан, Аартыкаҕа тутуллар социальнай эбийиэк бырайыагын-симиэтэтин докумуонун оҥорууну өрөспүүбүлүкэ бүддьүөтүгэр туспа кубуотанан көрөр наада. Ону таһынан, Аартыка улуустарыгар тыа хаһаайыстыбатын сайыннарыыга уонна аһылык өттүнэн куттал суох буолуутун хааччыйыыга бырагыраамма, таба салаатыгар биир сүрүн кыһалҕа каадыр тиийбэтэ буоларын учуоттаан, «Эдэр табаһыт» бырагырааммаҕа эбии дьаһал наадата бэлиэтэннилэр, – диэтэ Виктор Губарев.

Чукча_-_3.jpeg

Сийиэс чэрчитинэн  норуот дьокутаата Аллараа Халыма улууһун култууратын үлэһиттэрин уонна «Колымская правда» хаһыат эрэдээксийэтин кэлэктиибин кытары көрүстэ, кинилэр үлэлрин-хамнастарын, туох былааннаахтарын кытары билистэ диэн Ил Түмэн саайта суруйар.

Хаартыскалар Ил Түмэн уонна АКМНС саайтарыттан ылылыннылар

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением