Эрэгийиэн тыын суолталаах социальнай-экэнэмиичэскэй кыһалҕаларын быһаарыыга эбии болҕомтону тардарга уонна судаарыстыба бэлиитикэтин дьаһалларын өйүүргэ туһаайыллар бу көҕүлээһини Ил Түмэн төрүт олохтоох, аҕыйах ахсааннаах хотугу омуктар боппуруостарыгар уонна Аартыка дьыалаларыгар сис кэмитиэтин бэрэссэдээтэлэ Елена Голомарева биир бастакынан өйөөтө.
– Аартыка сыла биһиэхэ, Аартыка олохтоохторугар, бу тирээн турар сытыы кыһалҕаларбытын быһаарыыга стратегия өттүнэн улахан суолталаах сыл буолуоҕа. Судаарыстыба быһаччы кыттыытын эрэйэр элбэх боппуроус мунньулунна: инфраструктура, олорор дьиэни-уоту, социальнай эбийиэктэри тутуу, суолу оҥоруу бырагыраамата, энергетика, тырааныспар тииһилэҥнээх буолуута уонна хотугу дойдуга сөптөөх хамнаһы хааччыйыы. Экэниэмикэҕэ ураты миэстэни ылар таба салаата эмиэ улахан болҕомтону эрэйэр, төгүрүк сыл устата көһө сылдьар табаһыттар олорор, үлэлиир-хамсыыр усулуобуйаларын тупсарар ирдэнэр, – диэтэ норуот дьокутаата.
Аартыка сылын тэрийии дойду хотугу эрэгийиэннэригэр олох-дьаһах усулуобуйатын тупсарыы, инфраструктура туруктаахтык сайдыытын хааччыйыы судаарыстыбаттан сүрүннэнэр хайысхаларын быһаарыыга тирэх буолуоҕа диэн Ил Түмэн саайта суруйар.
Хаартыска: Ил Түмэн саайтыттан.
-
0
-
0
-
0
-
0
-
0
-
0
