– Российскай Федерация элэн омачир эргэчир: этэечин Арктика бугаван; этэēчин бивкэ тэгэл итыды бинивэтын.
Елена Голомарева тадук гунчэн: Умун-да закон эвки бэлэдерэ общиналду. Нонон общинал кооперативгачин тадук ООО-гачин бивкил, нуӈарватынма государство дысутчэчэчэн. Эхиткэн – эӈэт. Он нуӈартын биденгэтын горотморду?
Омакталва итылва итывра. Община федеральнэил сельскэй программалду эӈи билдыдеми бидеӈэн. Эхи эрут овча, эвки урэт бихи. Хэгды бизнес тадук общинал эвки тэрэн бихи. Общиналду банкил мэӈурвэ эвкил бурэ, нуӈартын со дготчэрил, тамана ачир. Тарит, общиналду эргэчин законодательство эвки урэт бихин.
Елена Голомарева предложениелвэ ивчэн: Российскай законодательстводу общинал дярин хуӈтупинма ивми, дукувмаривдяӈат (тамана ачинди дуннэӈтэдеми, общинал – одярил, производительнаил эӈэсил).
Тарит дярин депутат дялдачан – мит тарил вопросилва РФ ФАДНду аямамат гулдымэтӈэтыт:
• Федеральнай итыва «Окимапты доӈоточово одедеми тадук аямат бэлэвки» гами;;
• Федеральнай итыва Этнологическэй итыдули» гами;
• Оми тадук гами федеральнай программава «Россия окимапты доӈоточоӈин».
Елена Голомарева тэдэвчэн: всероссийскай сугланмэ долбор тэгэл дяритын военнай тадук надзорнай органилва умунуптэвэр огат.
Перевод на эвенкийский: Тамара Егоровна Андреева, ведущий научный сотрудник отдела северной филологии института гуманитарных исследований и проблем малочисленных народов Севера СО РАН, кандидат филологических наук.
-
0
-
0
-
0
-
0
-
0
-
0
