Бу боппуруос туһунан “СПИД Киинин” кылаабынай бырааһа Анатолий Кожевников суотабай төлөпүөнүгэр эрийэн ыйыталаспыппытыгар, “Роспотребнадзор анал анаалыһы оҥорорбутугар аккредитацияны биэрэн, бэҕэһээ лабораториябыт баазатыгар үлэлиэхтээх анал систиэмэни  (тест-анаалыс) туруордубут. Онон  кулун тутар 30 күнүттэн  (бэнидиэнньиктэн) коронавирус анаалыһын оҥорбутунан барыахпыт. Маҥнайгы нэдиэлэбитигэр сууккаҕа 100 анаалыһы оҥоруохпут. Манна биири бэлиэтээн этэбин. Ол курдук, «СПИД Киинин” лабораторията Дьокуускай куорат атын медицинскэй тэрилтэлэриттэн дьонтон ылыллыбыт биоматырыйаал (мурун, айах иһиттэн анаалыс) кэлбитинэн анаалыһы оҥоруоҕа”, - диэн быһааран биэрдэ.

Ааспыт нэдиэлэ ортото Дьокуускай куораттааҕы лаборатория аһыллан үлэлээтэ.  Манна  өрөспүүбүлүкэ тас өттүттэн кэлбит дьон анаалыс туттарыахтаахтар.

Анаалыһы  Дьокуускай куорат Киров уулуссатын 34-гэр, сарсыарда 9 чаастан 11-гэ диэри туталлар. 

Пааспар, медицинскэй полис, СНИЛС ирдэниллэр. Билсэр төлөпүөн нүөмэрэ: 8(800)-301-14-41.