«Бу бырагыраамаҕа эдэр ыаллар,  эдэр исписэлиистэр, байыаннайдар уонна  доруобуйаларынан хааччахтаах дьон (инбэлииттэр) хабыллыахтара. Сүрүн болҕомто кэтэх дьиэни туттааччыларга ууруллуоҕа.  Баантан кирэдьиит ылар ставкаларын бырыһыана 3-4 буолуоҕа», – диэн оробуочай бөлөх салайааччыта, Госдума дьокутаата  Александр Якубовскай быһаарбыт. Парламентарий  анал ыйытык дааннайдарын  холобурдуур, ыйытыкка кыттыбыт дьонтон 66 %-нара кэтэх дьиэлэниэхтэрин-уоттаныахтарын баҕаралларэбит.  Бу маннык санаа дьоҥҥо киирбитэ бу коронавирус дьаҥа туруутун кытта быһаччы сибээстээх. Бу  саас пандемия кэмигэр дьон үксэ даачаларыгар куоппуттара. Кэтэх дьиэ-уот туох үчүгэй өрүттээҕин бары онно билбиттэрэ.  Санатар буоллахха,  тустаах баартыйа  бэрэссэдээтэлэ Дмитрий Медведев кэтэх дьиэни туттааччыларга аналлаах ипотеканы олоххо киллэрии хаамыытын оҥороллоругар сорудахтаабыт. Кэтэх дьиэни тутууну өйүүр наадалааҕын ыйбыт, ол гынан баран, дьон үптэригэр-харчыларыгар ханнык да  куттал суоһуо, мэһэйдиэ суохтааҕын тоһоҕолоон бэлиэтээбит.