Парламент олохтоох салайыныы боппуруостарыгар сис кэмитиэтин бэрэссэдээтэлэ Василий Местников иһитиннэрбитинэн, II сийиэс кэмигэр национальнай бырайыактары итиэннэ регионнааҕы уонна федеральнай таһымнаах стратегическай былааннааһын докумуоннарын олоххо киллэриигэ СӨ муниципалитеттарын уонна муниципальнай тэриллиилэр бэрэстэбиитэллээх уорганнарын оруолун туһунан боппуруоһу дьүүллэһии былааннанар. Итинэн сибээстээн, национальнай бырайыактары олоххо киллэрии уонна онно кыттыы тематыгар дьокутааттары үөрэтии тэриллиэҕэ.
Маны сэргэ Судаарыстыбаннай Мунньах (Ил Түмэн) өрөспүүбүлүкэ муниципальнай тэриллиилэрин бэрэстэбиитэллээх уорганнарын кытта сокуону көҕүлээһиннэри оҥорууга уонна киллэриигэ хардарыта бииргэ үлэлээһинэ көдьүүстээх буолуутун үрдэтии туһунан боппуруос көрүллүөҕэ.
II Сийиэскэ биир сүрүн теманан 2022 сылга бэлиэтэнэр Саха АССР тэриллиитин 100 сылыгар бэлэмнэнии буолуоҕа.
Дьокутааттарга анаан нэдиэлэ устатыгар Ил Түмэҥҥэ аһаҕас аан күннэрэ ыытыллыахтара, СӨ Баһылыгын инновационнай менеджмент үрдүкү оскуолатыгар (ВШИМ) “Сири-уоту сайыннаран — өрөспүүбүлүкэни сайыннарабыт!” бырагырааманан үөрэх тэриллиэҕэ.
Сийиэс делегаттара өрөспүүбүлүкэҕэ социальнай-экономическай сайдыы уонна национальнай бырайыактары олоххо киллэрии хаамыытын боппуруостарын СӨ Ил Дарханын уонна олохтоох салайыныыга федеральнай экспердэри кытта көрсүһүүгэ дьүүллэһиэхтэрэ. Итини тэҥэ эдэр дьокутааттар Сэбиэттэрин, Ыччат парламенын көрсүһүүлэрэ күүтүллэр.
Сийиэс тэрээһиннэригэр 500-тэн тахса делегат кыттыаҕа – бу улуустар Сэбиэттэрин бэрэссэдээтэллэрэ, дьокутааттара, куораттар уонна тыа нэһилиэктэрин дьокутааттара, муниципальнай тэриллиилэр баһылыктара, ону сэргэ Ил Түмэн дьокутааттара.
II сийиэс түмүктэринэн резолюция ылыллыаҕа, 2022 сылга САССР тэриллибитэ 100 сылын бэлиэтээһининэн сибээстээн сийиэс делегаттара өрөспүүбүлүкэ салалтатыгар, олохтоохторго ыҥырыы ылыныахтара.
Ил Түмэн пресс-сулууспата
-
0
-
0
-
0
-
0
-
0
-
0
