Билигин дьиэттэн тахсыбакка олорон, парламент хаһыатын судургутук суруттарыллар буолла. https://www.sakhaparliament.ru/ru/podpiska диэн интэриниэт-сайтка компьютер, мобильнай төлөпүөн көмөлөрүнэн киирэн онлайн суруттарар кыахтааххыт. Бу ньыманан суруттарарга интэриниэттээх, мобильнай бааннаах буолуохтааххыт. Онлайн суруттарар туох да уустуга суох, олус чэпчэки ньыма.
Аҕам саастаах дьон сатаабат буоллаххытына, оҕолоргутугар уонна сиэннэргитигэр көмөлөһүннэриҥ. Аҕыйах мүнүүтэ иһигэр сөбүлүүр хаһыаккытын, сурунаалгытын суруттаран биэриэхтэрин сөп. Төлөпүөҥҥүтүгэр интэриниэт уонна мобильнай баан суох буоллаҕына, оҕолоргут уонна сиэннэргит аадырыскытын ыйан туран, суруттарар толору кыахтаахтар. Оттон ыраах сытар нэһилиэккэ дьиэҕитигэр интэриниэт уонна мобильнай суох буоллаҕына, олохтоох дьаһалтаттан уонна оскуолаттан суруттарыаххытын эмиэ сөп.
Ааҕааччы, хаһыаты суруттарыаҥ – олоххор көрсөр боппуруостаргын чэпчэкитик быһаарсыаҥ!
«Ил Түмэн» хаһыат сокуону билиигэ-көрүүгэ эрэллээх доҕор-атас, сүбэһит буолуоҕа. Саха сирин парламенын ааспыт, бүгүҥҥү устуоруйатын сурукка тиһэр, үйэтитэр аналлаах. Хаһыат быыбардааччы уонна дьокутааттар икки ардыларыгар далаһа уурар, тыын суолталаах боппуруостарга санааны этинэр, этиилэри киллэрэр трибуна.
Хаһыат индексэ: ПА508 (сахалыы), П6253 (нууччалыы).
6 ыйга хаһыакка сурутуу сыаната:
- — Дьокуускайга уонна киин улуустарга – 986 солк. 16 харчы;
- — Бүлүү бөлөх уонна хоту улуустарга – 1362 солк. 12 харчы.
Хаһыат нөҥүө санааҕытын тиэрдиҥ, этиилэргитин туруорсуҥ, олоххо киллэриҥ!
-
0
-
0
-
0
-
0
-
0
-
0
