Факультет декана Светлана Федорова этэринэн, сайт биир уратыта диэн Киин приемнай хамыыһыйа биитэр ФДОП сайтарын хатылаабат. Сайт абитуриеннарга туһуланар уонна кинилэр ирдэбиллэригэр эппиэттиир: "Биһиги университетпыт сайтыгар хомуллубут иһитиннэриилэри, биллэриилэри таһаардыбыт уонна абитуриеннар тугу интэриэһиргииллэрин, бэлэмнэнии хайысхалара хайдах буоларын, бүддьүөт миэстэтин ахсаана, муҥутуур намыһах бааллар эбэтэр үөрэххэ киирэргэ учуоттанар ситиһиилэр испииһэгэ таҕыста", - диэн декан кэпсээтэ.
Саҥа сайтка университет сүрүн платформатыгар сигэнии баар. Маны туһанан абитуриеннар тус бэйэлэригэр кабинет арыйан цифровой көрүҥүнэн киирии ирдэнэр докумуоннарын ыытан үөрэххэ туттарсыахтарын сөп. «Бу платформа билигин оҥоһуллан үөрэтиигэ сылдьар. Абитуриеннар тус бэйэлэрин кабинеттара ыйыллыбыт дааннайдарынан арыллан үлэлиэхтэрэ. Докумуону тутуу хампаанньата бэс ыйын 20 күнүттэн саҕаланар, бу бириэмэҕэ диэри сайт толору үлэлиэҕэ. Маны таһынан саҥа саайтка устудьуоннар олохторун-дьаһахтарын туһунан иһитиннэриилэри булуохтарын, үөрэххэ киирээччилэргэ «ыйытык- хоруй» рубрика, сүбэ-ама булан көрүөххэ сөп», - диэн кэпсиир Светлана Федорова.
Бэлиэтээн эттэххэ, ХИФУ аһаҕас аанын күннэрин чэрчитинэн көрсүһүү буолан ааста. Абитуриеннар ыйытыыларыгар ректор Анатолий Николаев хоруйдаата: киин ВУЗ-тан устудьуоннары ХИФУ-га көһөрүү, БКЭ туттарыы уонна да атын үөрэххэ киирии сүбэлэрин туһунан кэпсээтэ. Эрдэ тахсыбыт эфирдары ХИФУ ютуб ханаалыгар киирэн көрүөххэ сөп.
-
0
-
0
-
0
-
0
-
0
-
0
