Муус алын кырыыта Кангаласс бөһүөлэгин аннынан устар. Бу күннэргэ Нам сэлиэнньэтин аннынан муус эстиэҕэ, билигин онно муус хамсаата. Табаҕа аннынан муус таһыма 812 см, суукка иһинэн 77 см үрдээтэ, муус хойуутук устар.  Дьокуускай аннынан уу таһыма 645 см, суукка иһинэн 283 см үрдээтэ, эмиэ муус хойуутук устар. Нам  сэлиэнньэтин аннынан уу таһыма 581 см тэҥнэһэр. Сангаар бөһүөлэгин аннынан муус көтөҕүлүннэ, уу  таһыма 40 см.

Алдан өрүскэ муус алын кырыыта Уус Маайа оройуонун Күп сэлиэнньэтин алын өттүгэр баар. Томмот-Элдьикээн учаастакка муус хойуутук устар. Өрүс алын өттүгэр муус көтөҕүллүбүт. Амма өрүскэ муус алын кырыыта Таатта оройуонугар устар. Төрүт гидропуоска муус хойуутук устар.  Уу таһыма 1230 см. Бу учаастакка дэлби тэптэрии үлэтэ ыытыллан, муус харыыта этэҥҥэ ааста. Бүлүү өрүскэ муус алын кырыыта Үөһээ Бүлүү аттыгар устар. Уу таһыма 743 см, суукка иһинэн 25 см түспүт. Муус устубакка турар.