РФ Федерация дьыалаларыгар уонна национальностарын Министиэристибэтэ көтүрүллэринэн сибээстээн бу хайысхаҕа Национальностар дьыалаларыгар федеральнай агентствоҕа  бэриллэр. Ыам ыйын 7 күнүгэр күүһүгэр киирбит сокуон быһыытынан, ФАДН аҕыйах ахсааннаах норуоттар бэрэстэбиитэллэрин сайабылыанньаларыгар, ону сэргэ олохтоох былаас уонна общиналар иһитиннэриилэригэр олоҕуран учуоту ыытара былааннанар.

Испииһэгинэн учуокка турарга гражданнар олохтоох салайыныы уорганнарыгар тус дааннайдарын, төрөөбүт уонна олорор сирдэрин, аҕыйах ахсааннаах омугун аатын, үгэс буолбут олохторун, уопсастыба олоҕор кыттыһыыларын туһунан ыйан туран иһитиннэриилэри биэриэхтээхтэр. Ону таһынан омугун туоһулуур ис хоһоонноох докумуоннар куоппуйаларын биэриэхтэрин наада буолар. Испииһэккэ киллэрэр усулуобуйатынан төрүт олохтоох аҕыйах ахсааннаах норуоттарга сыһыаннааҕын туоһулуурга сайабылыанньа биэрээччи уруу-аймах бэлиэтэ эмиэ учуоттанар.

Олохтоох былаас уонна судаарыстыбаннай бюджеты таһынан пуондалар гражданнарга экономическэй уонна социальнай бырааптарын олоххо киллэриигэ реестргэ киирбит дааннайдары, ол иһигэр биэнсийэни уонна босуобуйаны төлүүргэ туһаныахтара.

Сайыбылыанньа биэрээччи испииһэккэ киирэр түгэнигэр былаас уорганнара омугун туоһуолуур докумуоннары ирдиир бырааптара суох буолар.