Обсерваторга 93 киһи, дьиэҕэ олорооччулар 78 киһи дааннайдара чуолкайдаммыта быһаарылынна. Бары киирэр боппуруостар ИДьМ, Роспотребнадзор управлениетын үлэһиттэринэн хонтуруолга ылыллаллар. Маны таһынан, оройуон баһылыга кэпсииринэн, бэҕэһээҥи туругунан, волонтердар барыта 93 киирбит сайаапканан үлэлээбиттэр уонна оҕолорго 100 бородуукта арааһын хомуурун түҥэппиттэр. Социальнай управление үлэһиттэринэн 7 элбэх оҕолоох ыалларга 20 бородууктанан көмө тиэрдиллибит. Мантан салгыы эпидемиологическай балаһыанньаны учуоттаан оҥоһуллар өҥө арааһын элбэтэр былааннаахтар. Борокуратуураны кытта олохтоох дьаһалта маҕаһыыннарынан сыананы кэтээн-көрүү тэрээһиннэрин салгыы күүскэ ыыталлар. Олоҕо суох сыана үрдэппит урбаанньыттар борокуратууранан миэрэҕэ тардыллыахтара. Хомойуох иһин, сорох урбааннар коронавирус ыарыы тарҕаныытын ыарахан кэмигэр олоҕо суох сыана үрдэтэллэрэ бэлиэтэнэрэ билиннэ. Маны таһынан, Алдан оройуонугар бородуукта аҕалыытыгар Северин Поздняков харгыстар суохтарын ыйда. Ону таһынан Северин Поздняков "Солнечная" маҕаһыыннар сиэттэрин кэрийэн көрөн табаар арааһын элбэтэргэ үлэ ыыппаттарын этиннэ.

Алдан оройуонугар 8-800-301-41-91 суһал төлөпүөнүнэн тустаах ыйытыыларгытын биэриэххитин сөп.

❗ доруобуйа харыстабылын боппуруостарыгар консультациялар -  сарсыарда 8.30 ч. киэһэ  20.00 ч. диэри
❗ социальнай көмө уонна үлэ боппуруостарыгар консультациялар - сарсыарда 8.30 ч. киэһэ  20.00 ч. диэри
❗психологическай өйөбүл - күн ахсын тохтобула суох
❗волонтердар көмөлөрө - сарсыарда 8.00 ч. киэһэ  18.00 ч. диэри
❗дистанционнай үөрэхтээһин уонна оҕо саадын үлэтин туһунан консультациялар - сарсыарда 8.00 ч. киэһэ  20.00 ч. диэри
❗бородуукта уонна табаар сыанатын кэтээн көрүү боппуруостарыгар консультациялар - сарсыарда 8.00 ч. киэһэ  20.00 ч. диэри