Ол курдук, СӨ ОДьКХ уонна энергетика министэристибэтин пресс-сулууспата иһитиннэриитинэн, Алдан оройуонугар барыта 2 тн дезинфекция сириэстибэлэрэ ыытылыннылар. Алдан куорат карантиҥҥа сабыллыытын туһунан быһаарыы ылыллыбытын кэннэ СӨ ОДьКХ уонна энергетика министэристибэтин суһал ыстаабыгар муниципальнай тэриллиини дезинфекциялыыр туһунан эбээһинэс сүктэриллибитэ. “Мантан салгыы куорат балаһыанньатын кэтиэхпит уонна тахсыбыт ыарахаттары суһаллык туоратарга үлэлэһиэхпит”, - диэн Дмитрий Садовников бэлиэтээтэ. Тустаах структуралар миэстэтигэр күүһүрдүллүбүт эрэсииминэн үлэлииллэр. Муниципальнай тэриллии баһылыктара элбэх кыбартыыралаах дьиэлэр подъезтарын, бородуукта маҕаһыыннары, аптека ситимнэрин уонна автобус тохтобулларын дезинфекциялыыр үлэ тэрээһиннэрин сөптөөхтүк ыыталлар.
-
0
-
0
-
0
-
0
-
0
-
0
