Көҥүл тыынар, көҥүл саҥарар быраап билиҥҥи бэчээккэ баар дуо? Туох дии саныыгыт доҕоттор?
Биһиги сахалыы суруналыыстыкабыт дьылҕатын туһугар туруулаһар, бары өттүттэн өйүүр, мин санаабар, хайаан да наада. Ол туһугар үлэлиир-хамсыыр, туруулаһар дьоммут бааллара үөрдэр. Сокуон, үп-харчы өттүттэн өйөбүл баар буолуохтааҕын ааһан, суруналыыска, суруйааччыга үтүө сыһыан, ол эбэтэр сөптөөх өйөбүл, көмө баар буолара хайаан да наада. Хамнас, социальнай харысхал, киһи бырааба кэһиллиэ суохтаах. Бэл, кыра хайҕал тыла айар-тутар дьону кынаттыыр, үлэҕэ көҕүйэр буолааччы. Оччоҕо дьэ тэптэн, тыыллан-хабыллан үлэлиэх кэрэх.
Ил Дархан Айсен Николаев Төрөөбүт тыл уонна сурук-бичик күнүгэр 1007 нүөмэрдээх ыйааҕынан от ыйын 1 күнүн сахалыы тыллаах Бэчээт күнүнэн биллэрбитэ. Бу түгэни сахалыы тыллаах бэчээт үлэһиттэрэ бары үөрэ, эгди буола көрсүбүппүт.
Суруналыыстар инникитин да кыларыйан турар кырдьыгы, итиэннэ уопсастыбаҕа, дьон санаатыгар үтүөнү саҕар дьон буолларбыт диэн баҕалаахпын.
-
0
-
0
-
0
-
0
-
0
-
0
