Муус аллараа кырыыта Хаҥалас улууһун Сиинэ сэлиэнньэтигэр тиийбит, уу таһыма 143 см., кутталлаах таһыма – 814 см. Муус үөһээ бүүрүгэ Өлүөхүмэ Саҥыйахтааҕар баар, уу таһыма 914 см. , манна 1250 см үрдээтэҕинэ тыҥааһыннаах быһыы-майгы үөскүөн сөп. Муус хойуутук устар. Покровскай куорат таһыгар өрүс ырбыыламмыт. Покровскай таһынааҕы учаастакка түөрт чаас иһигэр уу 10 см. эбиллибит уонна таһыма 569 см тиийбит. Кутталлаах таһым 1370 см. тэҥнэһэр. Бу күннэргэ Покровскай куорат аттынан муус хамсыыра күүтүллэр.
Хаҥалас улууһугар халаантан Кытыл Дьура сэлиэнньэтэ эмсэҕэлиир кутталлаах. Нэһилиэк баһылыга Вероника Лотова эппитинэн, ыам ыйын 10 күнүнээҕи туругунан дьиэлэр ууга барбатахтар, ол эрээри уу таһыма үрдээтэҕинэ, нэһилиэги ылар кутталлаах.
-
0
-
0
-
0
-
0
-
0
-
0
