Издательский дом Редакция Подписка
Погода в Якутске: . 11 oC
КУРС ЦБ: $ 72,86 | 88,65

Кулун тутар 10 күнүгэр Үөһээ Дьааҥы Баатаҕайыгар «Прогноз-Серебро» хампаанньа матырыйаалларынан  бырамыысыланнай уонна кытаанах бөҕү харайар 4 уонна 5 кылаастаах полигон тутуутугар уопсастыбаннай истии ыытыллыбыт. Ол туһунан СӨ Экологияҕа министиэристибэтин пресс-сулууспата суруйар.

Кулун тутар 10 күнүгэр Үөһээ Дьааҥы Баатаҕайыгар «Прогноз-Серебро» хампаанньа матырыйаалларынан  бырамыысыланнай уонна кытаанах бөҕү харайар 4 уонна 5 кылаастаах полигон тутуутугар уопсастыбаннай истии ыытыллыбыт. Ол туһунан СӨ Экологияҕа министиэристибэтин пресс-сулууспата суруйар.

ba71859c d57f 47a3 be93 e0d40fbe615b

Бу иннинэ полигон тутуутун туһунан Интернет социальнай ситимнэринэн араас иһитиннэриилэр тахсыбыттар. Нэһилиэнньэ ол иһитиннэриилэр сүнньүлэринэн ыйытыылары биэрбит, чуолан төһө кырдьыктаахтарын туоһуласпыт.

СӨ Экологияҕа министиэристибэтин аатыттан уопсастыбаннай истиилэргэ экология куттала суох буолуу департаменын салайааччыта Вера Степанова кыттан, хоромньуну оҥорботу мэктиэлиир сокуон уонна үлэ түһүмэхтэрин туһунан кэпсээбит. Ханнык баҕарар хаһаайыстыбаннай үлэ тулалыыр эйгэҕэ кыра да, улахан да хоромньуну оҥорор диэн кини эппит. «Ол иһин буортулаах дьайыыны кыччатаары, тулалыыр эйгэни харыстыыр миэрэлэри ылынабыт. Биир оннук миэрэнэн бөҕү харайар полигону тутуу буолар. Полигоннарга сокуонунан ирдэбил туруоруллар», -- диэн быһаарбыт.

«Ханнык баҕарар нэһилиэнньэлээх пуун булгуччу полигоннаах буолуохтаах, оччоҕо эрэ санкцията суох сыбаалкалар үөскээн, тулалыыр эйгэни сыыһырдыа суохтара. Полигоннар санитарнай нуорманы тутуһуллан тутуллаллар уонна онно 4, 5 кылаастаах бөҕү эрэ харайаллар», -- диэн кини быһаарда.

Уопсастыбаннай истиилэргэ кыттыбыт дьон бэлиэтэммит итэҕэстэри уонна этиилэри «Прогноз-Серебро» хампаанньаҕа ыыталларын уонна боротокуолга киллэрэллэрин туһунан эппит. Ол курдук кыттааччылартан полигон тутуутун иһин 71 киһи куоластаабыт, 9 киһи утарбыт.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ