Издательский дом Редакция Подписка
Погода в Якутске: . -19 oC
КУРС ЦБ: $ 71,53 | 82,83

Аартыка сиригэр-уотугар «Уһук Илин гектар» бырагыраама үлэлиирин туһунунан сокуон барылын Федерация Сэбиэтигэр ылыннылар.

Аартыка сиригэр-уотугар «Уһук Илин гектар» бырагыраама үлэлиирин туһунунан сокуон барылын Федерация Сэбиэтигэр ылыннылар.

Арассыыйа Илиҥҥи сайдыытын министиэристибэтин пресс-сулууспата суруйбутунан, сокуон РФ Бэрэсидьиэнигэр бигэргэниигэ киирбит. Саҥа сокуонунан, бырагыраамаҕа кыттан ылбыт гектарын сөптөөхтүк туһаммыт киһи эбии сир ылар кыахтанар.

«Уһук Илиҥҥэ ханнык баҕарар дойду олохтооҕо гектар сири онлайн-ньыманан бэйэтэ талан ылыан сөп. Уопсайа 93 тыһыынча киһи бу бырагырааманан сири ыллылар. Билигин бырагыраама кыаҕын кэҥэтии үлэтэ ыытыллар – ылбыт сирдэрин сөптөөхтүк туһаммыттар эбии учаастак ылыахтарын сөп. Саҥа сокуонунан бырагыраама Аартыка сиригэр үлэлиэн сөп буолла», -- диэн  Уһук Илиҥҥи федеральнай уокурукка РФ Бэрэсидьиэнин боломуочуйалаах бэрэстэбиитэлэ Юрий Трутнев эппит.

Федеральнай сокуон барылынан, Мурманскай уобаласка, Ненецкэй, Ямал-Ненецкэй автономнай уокуруктарга уонна Красноярскай кыраай, Архангельскай уобалас, Коми, Карелия өрөспүүбүлүкэлэрин 23 муниципальнай оройуоннарыгар гектар сири ылыахха сөп.

«Уһук Илин гектар туһунан» сокуон 2016 сылтан үлэлиир. Сокуонунан Уһук Илин федеральнай уокурук 11 эрэгэйиэнигэр сири ылыахха сөбө. Сири ылбыт бастакы сылга учаастагы ханнык хайысханан туһаналларын быһаарыахтаахтар, үс сыл кэнниттэн – баһылаабыт хаһаайыстыбаларын декларациялыыллар, биэс сылынан сири бас билиигэ эбэтэр уһун кэмнээх арендаҕа ылаллар.  

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ