Издательский дом Редакция Подписка
Погода в Якутске: . 26 oC
КУРС ЦБ: $ 72,86 | 88,65

Ил Дархан Айсен Николаев  2021 сылы Чэбдигирии сылынан биллэрбитэ. Бүгүн инстаграмыгар «О стратегических направлениях укрепления общественного здоровья и развития системы здравоохранения в Республике Саха (Якутия)» диэн Ыйаахха илии баттаабытын туһунан  эттэ.  Ол аата өрөспүүбүлүкэбитигэр Чэбдигирии 10 сыла (2021-2030 сс) саҕаланна.  

Ил Дархан Айсен Николаев  2021 сылы Чэбдигирии сылынан биллэрбитэ. Бүгүн инстаграмыгар «О стратегических направлениях укрепления общественного здоровья и развития системы здравоохранения в Республике Саха (Якутия)» диэн Ыйаахха илии баттаабытын туһунан  эттэ.  Ол аата өрөспүүбүлүкэбитигэр Чэбдигирии 10 сыла (2021-2030 сс) саҕаланна.  

Айсен Сергеевич олунньу ыйдааҕы үлэ түмүктэрин туһунан иһитиннэрэригэр, өрөспүүбүлүкэ доруобуйатын харыстабылын хайысхаларын уларытыыга кэккэ үлэлэр ыытыллыахтаахтарын туһунан санаппыта.  Ол курдук, саҥа Ыйаахха доруобуйа харыстабылын сайыннарыы  чэрчитинэн, 2022 сылтан Саха сирин олохтоохторо бары мэдиссиинискэй сөптөөх көмөнөн толору хааччыллыахтаахтара ыйыллар. Эһиил паллиативнай көмө киинэ (50 куойкалаах), 2024 сылга өрөспүүбүлүкэтээҕи клиническэй инфекционнай балыыһа (245 миэстэлээх), кырдьаҕас дьоҥҥо аналлаах дьиэ (30 куойкалаах), о.д.а. доруобуйаны бөҕөргөтөргө туһуламмыт эбийиэктэр үлэҕэ киириэхтэрэ. «Чэбдигирии уон сылын сүрүн сыала-соруга Саха сирин нэһилиэнньэтин олоҕун уһуна  80 сааска тиийэрин ситиһии буолар. Биһиги, төһө кыалларынан,  Саха сирин дьоно-сэргэтэ  доруобуйата тупсарын туһугар тоҕоостоох усулуобуйаны уонна сөптөөх мэдиссиинискэй  көмө оҥоһулларын ситиһиэхтээхпит. Биһиги бары биир санаанан салайтаран үлэлээтэхпитинэ, туруоруллубут соругу хайаан да ситиһиэхпит», - диэн эттэ. Ил Дархан СӨ Бырабыыталыстыбатын салалтатыгар  Ыйаах былаанын, тэрээһинин олоххо киллэрэн саҕалыылларыгар сорудахтаата.

год доруобуйа фото

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ