Ол курдук, ордук “Симэх” национальнай көстүүмнээх онлайн-хаамыы куонкуруска кыттар баҕалаахтар элбэхтэр. 250 өрөспүүбүлүкэ олохтооҕо бэйэлэрин хаартыскаларын ыыппыттар. Бу куонкуруһу Прикладной искусство киинэ тэрийэн ыытар.  Саха сирин норуоттарын фольклорун уонна муусукатын музейа тэрийбит “Ыһыах ырыалара” диэн куонкуруска 200 тахса киһи сайаапкаларын биэрбит. Чороон, былыргы симэхтэр, дьөһөгөй оҕотун киэргэллэрин, үгэс иһиттэр хаартыскаларын куонкуруһугар хаартыскалар кэлбиттэр. Маны таһынан “Ытык ыһыах үҥкүүлэрэ” үҥкүү кэлэктииптэрин куонкуруһа, “Хомус – дьиэ кэргэн биһигэ” дьиэ кэргэнинэн хомустааччылар күрэхтэрэ ыытыллар. «Кыл киэргэлэ, сиэл симэҕэ» - куйаар ситиминэн кыл, сиэл оҥоһуктарга күрэх, «Туос иһит – мин төрүт иһитим» туос иһиттэргэ аналлаах куонкурус, “Ыһыаҕым талба таҥаһа” саха үгэс таҥаһын куонкуруһа буолаллар.

Дьүүллүүр хамыыһыйа түмүгү бэс ыйын 21 күнүгэр https://www.cultura14.ru/  уонна instagram сирэйгэ  @upravlenie_cultury_yakutsk. таһаарыаҕа.