КУРС ЦБ: $ 73,73 | 89,43

Бүгүн - Араccыыйатааҕы быыбар биир кэлим күнэ. Үгэс курдук  өрөспүүбүлүкэҕэ  сарсыарда 8 чаастан быыбар хамыыһыйатын учаастактара үлэлэрин саҕалаатылар. 

Бүгүн - Араccыыйатааҕы быыбар биир кэлим күнэ. Үгэс курдук  өрөспүүбүлүкэҕэ  сарсыарда 8 чаастан быыбар хамыыһыйатын учаастактара үлэлэрин саҕалаатылар. 

Холобур, Нам улууһун  Көбөкөнүгэр, Бөтүҥэр, Маймаҕатыгар баһылыктары, Партизаҥҥа, Искраҕа, Көбөкөҥҥө, Хатырыкка, Маймаҕаҕа олохтоох сэбиэт дьокутааттарын талыахтара.  Хатырык нэһилиэгэр маҥнайгы быыбардааччы  Татьяна  Васильевна  Иванова учаастак аһыллаатын кытта  куоластаата. Төлөпүөнүгэр эрийэн ыйыталаспыппытыгар ”Мин быыбары хаһан  да көтүппэппин, гражданскай иэспин хайаан да толоробун. Аны туран, кыстыкка бэлэмнэнэн дьиэбитин өрөмүөннүү сылдьабыт,  билигин атыҥҥа аралдьыйбакка онон  дьарыктаныам. Бэйэм кулуупка техүлэһиппин, биэс оҕолоохпун, икки сиэннээхпин. Түгэнинэн туһанан, Саха сирин олохтоохторун көмүс күһүн кэлбитинэн уонна  быыбар саҕаламмытынан эҕэрдэлиибин!», - диэн санаатын үллэһиннэ. Биэнсийэлээх Алексей Прокопьевич Соловьев  учаастак аһыллаатын  кытта 8 ч. 14 мүн. бэйэтин гражданскай иэһин толорон барбытын туһунан быыбар хамыыһыйатын үлэһиттэрэ иһитиннэрдилэр. Дьэ ити курдук эрдэһит дьон аҕыс чаастан саҕалаан быыбарга кыттан эрэллэр.

маныбыыбар фото Нам

Санатар буоллахха, балаҕан ыйын 13 күнүгэр буолар Бүтүн Арассыыйатааҕы куоластааһыҥҥа өрөспүүбүлүкэ үрдүнэн 228 быыбар хампаанньата ыытыллар. Ол курдук, үс оройуон, 103 нэһилиэк баһылыктара уонна  6 улуус бэрэстэбиитэллээх уорганнарын дьокутааттарын сэргэ  151 муниципальнай тэриллии дьокутааттарын быыбара саҕаланна. Улуустартан Анаабырга, Үөһээ Бүлүүгэ, Эдьигээҥҥэ уонна Муомаҕа быыбар буолбат. Болдьоҕун иннинэ куоластааһын  өрөспүүбүлүкэ үрдүнэн балаҕан ыйын 2 күнүттэн саҕаламмыта. Холобур, балаҕан ыйын 2-3 күннэригэр 430 киһи эрдэ куоластаабыта биллэр. Муниципальнай тэриллиилэргэ  183135 киһи куоластыахтааҕа биллэр, бырыһыаҥҥа таһаардахха, 28,3-кэ тэҥнэһэр.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ