Издательский дом Редакция Подписка
Погода в Якутске: . -33 oC
КУРС ЦБ: $ 73,60 | 83,35

Куорат Думатыгар буолаары турар быыбарга дебаттар тоҕо ыытыллыбаттар?

Куорат Думатыгар буолаары турар быыбарга дебаттар тоҕо ыытыллыбаттар?

Санатар буоллахха, быйыл ыам ыйын 22 күнүгэр Дьокуускай куорат Думатын быһаарыытынан, биир мандааттаах Киин быыбардыыр уокурук дьокутаата Вера Никифорова бэйэтин баҕатынан боломуочуйатын болдьоҕун иннинэ устубута.

Быыбар буолара аҕыйах хонук хаалла. Онон ыктарыылаах кэм үүммүтэ дьэҥкэ көстөр. Быыбарга туруммут хандьыдааттар тиһэх төгүл түһүнэллэрэ бу кэллэ.

«Гражданскай платформа» дьокутаата Эрэл Васильев бу күннэргэ Лена Афанасьеваны (“Биир ньыгыл Арассыыйа”) уонна Владимир Федоровы (“Сиэрдээх Арассыыйа”) дебакка ыҥырбыта хоруйа суох хаалла. Ол эрээри дебакка кыттартан бу икки хандьыдаат тоҕо эрэ туттунна.

Эрэл Васильев этэринэн, Лена Афанасьева толкуйдуох буолан баран, кэнники аккаастаммыт. Оттон Владимир Федоров бастаан утаа дебакка ханнык баҕарар күҥҥэ сөбүлэһэбин диэбит. Онтон болдьоммут күн балаҕан ыйын 9 күнүгэр 17.30 кэлбэтэх. «Владимир Федоров тылыгар турбата. Дьон-сэргэ мустан, биир чаас кэтэһэн көрдүбүт. Киһибит мэлигир. Ол оннугар аттыбытыгар биир улахан тыраактар кэлэн дэлби тыаһаан-ууһан, төттөрү-таары айаннаата. Ол да буоллар, хата, нэһилиэнньэни кытта көрсөн, кыһалҕаларын истэн, ирэ-хоро кэпсэттим.

Мин санаабар, хандьыдаат дебаттартан куттаныа суохтаах. Биһиэхэ дебаттары ыытыы култуурата сайдыах тустаах. Оччотугар эрэ норуот хандьыдаат туһунан дьэҥкэ хартыынаны көрөр. Кини бэйэтигэр төһө эрэллээҕэ, баар кыһалҕалары таба көрөрө – барыта сирэй көрсөн, аһаҕастык этинэригэр көстөр. Онон дебаттар хайаан да буолуохтаахтар”, - диэн санаатын эттэ.

Куорат Думатын дьокутаатын талыы бүттүүн быыбар күнүгэр - балаҕан ыйын 15 күнүгэр барыаҕа.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ