Сөбүлэҥҥэ СӨ Ил Түмэн Судаарыстыбаннай Мунньаҕын Бэрэссэдээтэлэ Петр Гоголев, ХӨ Үрдүкү Сэбиэтин Бэрэссэдээтэлэ Владимир Штыгашев уонна икки парламеннар бэлитиичэскэй баартыйаларын фракцияларын салайааччылара илии баттаатылар.
Даҕатан эттэххэ, Саха сирэ уонна Хакасия доҕордуу уонна дьылабыай сыһыаннаһыылара өрдөөҕүттэн бигэтик сайдан иһэллэр. Ол курдук, икки өрөспүүбүлүкэ норуоттара майгыннаһар култуурунай уонна историческай төрүттээхтэр. Ону сэргэ, эрэгийиэннэр социальнай эйгэ уонна экэниэмикэ сайдыытыгар ханыылыы көрүүлээхтэр.
Ил Түмэн спикера Петр Гоголев өрөспүүбүлүкэлэр социальнай-экэнэмиичэскэй сайдыы уопуттарын уонна ураты идиэйэлэрин атастаһыахтара диэн бэлиэтээтэ.
Хакасия Үрдүкү Сэбиэтин Бэрэссэдээтэлэ Владимир Штыгашев бу сөбүлэҥҥэ илии баттааһыны өр күүтүллүбүт суолталаах түгэн диэн бэлиэтээтэ.
“Бүгүҥҥү сөбүлэҥ бииргэ үлэлииргэ эбии кыаҕы биэриэҕэ”, – диэн Владимир Николаевич тоһоҕолоото.
Хакасия Өрөспүүбүлүкэтин Үрдүкү Сэбиэтэ Ил Түмэн сир баайын туһаныыга, уу түөлбэлэрин харыстааһыҥҥа, Сибиир уонна Уһук Илин аҕыйах ахсааннаах норуоттарын көмүскээһиҥҥэ, уо.д.а. хайысхаларга сокуону оҥоруу уопутун туһаныан баҕарар.
Ил Түмэн Бэрэссэдээтэлэ Петр Гоголев бииргэ үлэлээһин үтүө түмүктэри аҕалыа диэн эрэллээҕин биллэрдэ.
Ил Түмэн пресс-сулууспатын матырыйаалынан.
- 0
- 0
- 0
- 0
- 0
- 0