Издательский дом Редакция Подписка
Погода в Якутске: . -33 oC
КУРС ЦБ: $ 73,60 | 83,35

Ил Түмэн сир сыһыаннаһыыларыгар, айылҕа баайыгар уонна экологияҕа сис кэмитиэтин бэрэссэдээтэлэ Владимир Прокопьев бу күннэргэ Госдумаҕа уонна Федерация Сэбиэтигэр сырытта.

Ил Түмэн сир сыһыаннаһыыларыгар, айылҕа баайыгар уонна экологияҕа сис кэмитиэтин бэрэссэдээтэлэ Владимир Прокопьев бу күннэргэ Госдумаҕа уонна Федерация Сэбиэтигэр сырытта.

 Госдума айылҕа баайыгар, бас билиигэ уонна сир сыһыаннаһыыларыгар кэмитиэтин бэрэссэдээтэлэ  Николай Николаевтыын, экологияҕа уонна тулалыыр эйгэни харыстааһын кэмитиэтин бэрэссэдээтэлин солбуйааччы Николай Валуевтыын уонна бэйэбит дьокутааттарбыт Галина Данчиковалыын, сенатордар  Егор Борисовтыын, Александр Акимовтыын көрсөн, кэккэ боппуруостары быһаарыста.

      Госдума дьокутаата Николай Николаевы кытта айылҕа ресурсаларыгар, сир сыһыаннаһыыларыгар хайысхалаах РФ сокуоннарын ырыттылар, Саха Өрөспүүбүлүкэтин олоҕун-дьаһаҕын, килиимэтин учуоттуулларыгар, итиэннэ ирбэт тоҥу сөптөөхтүк туһаныыга аналлаах оробуочай бөлөҕү тэрийэргэ эттэ. Итини тэҥэ гидротехническай тутуулар уонна киһи олоҕор кутталлаах эбийиэктэр саахала суох үлэни ыыталларын хонтуруоллааһыҥҥа сокуон өттүнэн мэктиэлээх буолууну быһаарар боппуруостар тула кэпсэттилэр.  

        Норуот дьокутаата булт хаһаайыстыбаннай сөбүлэҥнэрин түһэрсиигэ үөскээбит балаһыанньаны таарыйда. Өрөспүүбүлүкэҕэ булт кэлэр сезонугар уһун болдьохтоох лицензиялар төрүттэригэр олоҕуран бултуур булчуттарга квота көрүллүбэт быһыыта-майгыта үөскээбит. Владимир Прокопьев Госдума туһааннаах кэмитиэтигэр уһун болдьохтоох лицензияларынан  туһанар булчуттары булт хаһаайыстыбаннай сөбүлэҥнэрин түһэрсибит булчуттарга тэҥнииргэ, аҕыйах ахсааннаах төрүт олохтоох норуоттар бэрэстэбиитэллэрин булт хаһаайыстыбаннай сөбүлэҥнэрин түһэрсиигэ киллэриэхтээх биир кэмнээх төлөбүртэн босхолуурга, бултуур сир иэнин  иһин төлөбүр ыстаапкатын кыччатарга, “Бултааһын, булт ресурсаларын харыстааһын уонна РФ сорох нуормалаах быраап аахталарын тустарынан” федеральнай сокуоҥҥа уларытыылары киллэрэри көҕүлүүргэ туһаайда.

        Владимир Прокопьев федеральнай сокуон РФ субъектарын сирдэригэр-уоттарыгар баар баахтабай бөһүөлэктэри, олор үлэлэрин-хамнастарын уонна статустарын бэрээдэгин олохтооһун туһунан ирээтигэр өрөспүүбүлүкэ парламена бырайыак киллэрэр былааннааҕын туһунан эттэ.

      Өрөспүүбүлүкэ парламентарийа РФ “Сир аннын туһунан” сокуонун, сир аннын туһанааччылар субъектар уонна кинилэр муниципальнай тэриллиилэрин социальнай-экэнэмиичэскэй сайдыыларыгар кыттыгастаах буолууларын, техногеннай сир аннын баайа үөскээбит сирдэри, инвестицияны тардар кыахтарынан уонна экологическай  өттүлэринэн көрөн, олохтоох суолталаах сир аннын учаастактарыгар киллэрии туһунан ирээтигэр уларытыылары киллэрии боппуруоһун көтөхтө.

        “Ураты харыстанар айылҕа сирдэрин-уоттарын туһунан” федеральнай сокуон олохтоох суолталаах ураты харыстанар айылҕа сирин-уотун тэрийии туһунан быһаарыыны туһааннаах субъект судаарыстыбаннай былааһын уорганын кытта сөбүлэһиннэриигэ, халыҥ муустаах ирбэт тоҥноох сирдэргэ-уоттарга үүнэн турар ойуур учаастактарыгар ураты көмүскэллээх статуһу биэрии чааһыгар РФ Ойуурун кодексыгар уларытыылары киллэрии боппуруоһа дьүүллэһилиннэ.

      Владимир Прокопьев ойуур пуондатын сирдэрин бырамыысыланнас сирдэригэр көһөрүү, араас аналлаах сир учаастактарын иһин аренда төлөбүрүн кээмэйин, сир судаарыстыбаннай эбэтэр муниципальнай бас билиигэ сылдьарынан, аренда төлөбүрэ олохтонуохтааҕын туһунан нуормалаах быраап аахталарын тупсарыы чааһыгар РФ Сирин кодексыгар уларытыылары киллэрии боппуруоһун көрөргө этии киллэрдэ.

        Норуот дьокутаата Николай Валуевы кытта “Тыыннаах харамайга эппиэтинэстээх сыһыан уонна РФ сорох сокуоннарын аахталарыгар уларытыылары киллэрии туһунан” федеральнай сокуон, хаһаайына суох харамайдары кытта сыһыаны олохтооһуҥҥа көрүллэр дьаһаллары тупсарыы туһунан этиллэр ирээтигэр боломуочуйалары эрэгийиэннэрдээҕи таһымнарга биэрии туһунан кэпсэттилэр.

        “Тулалыыр эйгэни харыстааһын туһунан” федеральнай сокуон тулалыыр эйгэҕэ мунньуллубут буортулаах тобохтор эбийиэктэрин сыаналааһын ирдэбиллэрин испииһэгэ кэҥээһинин, тулалыыр эйгэҕэ дьайыы иһин төлөбүр суоттааһынын-ааҕыллыытын уларытыы, булгуччулаах уонна үтүө көҥүлүнэн оҥоһуллар экологическай страхование, тулалыыр эйгэҕэ таһаарыллар хоромньуну толуйууга билигин туттулла сылдьар ньыманы тупсарыы уонна саҥаны ырытан оҥоруу туһунан боппуруостар тула дьүүллэстилэр.

        Владимир Прокопьев Госдума дьокутаата Галина Данчикованы, сенатордар Егор Борисовы уонна Александр Акимовы кытары көрсүһүүтүгэр, Госдума дьокутааттара Николай Николаевы, Николай Валуевы кытта кэпсэтиилэргэ көтөҕүллүбүт боппуруостарга федеральнай сокуоннарга уларытыылары киллэриигэ салгыы бииргэ үлэлээһин туһунан кэпсэттилэр. “Экология” национальнай бырайыакка Өлүөнэ уонна Бүлүү өрүстэри харыстааһын боппуруоһун киллэрии, Аартыкатааҕы түөлбэ экологическай меморандумун ылыныыны көҕүлээһин, РФ Аартыкатааҕы түөлбэтэ экологическай куттала суох буолуутун хааччыйыы тула кэпсэтии барда.

Ил Түмэн пресс-сулууспатын матырыйаалынан

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ