Издательский дом Редакция Подписка
Погода в Якутске: . -33 oC
КУРС ЦБ: $ 73,60 | 83,35

Кулун тутар 23 күнүгэр Ил Түмэн бүддьүөккэ сис кэмитиэтин үлэлиир бөлөҕө Чурапчы улууһугар үлэлээтэ. Көрсүһүүгэ ДьУоХХ тарыыптара, нэһилиэктэр бүддьүөттэрин боппуруоһа көрүлүннүлэр.

Кулун тутар 23 күнүгэр Ил Түмэн бүддьүөккэ сис кэмитиэтин үлэлиир бөлөҕө Чурапчы улууһугар үлэлээтэ. Көрсүһүүгэ ДьУоХХ тарыыптара, нэһилиэктэр бүддьүөттэрин боппуруоһа көрүлүннүлэр.

Мунньах кэмигэр Ил Түмэн бүддьүөккэ сис кэмитиэтин бэрэссэдээтэлэ Юрий Николаев Саха Өрөспүүбүлүкэтин 2021 сыллааҕы бүддьүөтүгэр көннөрүүлэр киирээри туралларын иһитиннэрдэ. Парламентарий чурапчылары бүддьүөтү ааҕыы саҥа ньыматын тупсарыыга көхтөөхтүк бииргэ үлэлэһэллэригэр ыҥырда. Кини субвенция кээмэйэ уларыйбата, 9 млрд солк оннунан хаалла диэн эттэ.

СӨ сыана бэлиитикэтигэр судаарыстыбаннай кэмитиэтин бэрэссэдээтэлэ Антонина Винокурова Чурапчы улууһугар ДьУоХХ тарыыптарын туһунан иһитиннэриини оҥордо. Кини саҥа хочуолунай үлэҕэ киирдэҕин аайы сыана ыарыырын эттэ. Ол гынан баран, эбии дьон холбонноҕына, сыана төттөрү түһэрин быһаарда.

Үп миниистирин солбуйааччы Надежда Филиппова олохтоох бүддьүөттэри ааҕыы саҥа ньыматын туһунан кэпсээтэ. Миниистир солбуйааччыта билиҥҥитэ саҥа ньыманы тупсарарга улуустартан этиилэри хомуйуу саҕаламмытын уонна анал үлэлиир бөлөх тэриллибитин эттэ. Үлэлиир бөлөх кулун тутар уонна муус устар ыйдарга киирбит этиилэри анаалыстаан, кэлэр ыйга тупсарыллыбыт методиканы оҥорон таһаарыахтааҕын ыйда.

Мунньах кыттыылаахтарыгар нэһилиэк баһылыктары тустаах ыйытыылары биэрдилэр. Маны таһынан, көрсүһүү кэмигэр норуот дьокутааттара Андрей Находкин, Владимир Прокопьев, Михаил Гуляев, Владимир Чичигинаров, Семен Никитин, Таатта улууһун баһылыга Михаил Соров, Чурапчы улууһун баһылыга Андрей Ноговицын, Чурапчы улууһан дьокутааттарын Сэбиэтин бэрэссэдээтэлэ Афанасий Захаров тыл эттилэр.

Ил Түмэн пресс-сулууспатын матырыйаалынан.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ