Издательский дом Редакция Подписка
Погода в Якутске: . -33 oC
КУРС ЦБ: $ 73,60 | 83,35

РФ Бэрэсидьиэнэ Владимир Путин нэһилиэнньэ үлэлээх буолуутун киинин боломуочуйатын федеральнай таһымҥа биэрэр мэхэньииһими «Биир ньыгыл Арассыыйа» баартыйа уонна РФ Бырабыыталыстыбата  толкуйдаан оҥороллоругар сорудахтаабыта.

РФ Бэрэсидьиэнэ Владимир Путин нэһилиэнньэ үлэлээх буолуутун киинин боломуочуйатын федеральнай таһымҥа биэрэр мэхэньииһими «Биир ньыгыл Арассыыйа» баартыйа уонна РФ Бырабыыталыстыбата  толкуйдаан оҥороллоругар сорудахтаабыта.

Онуоха тустаах баартыйа итиннэ аналлаах сокуон бырайыагын быйыл олунньуга Госдума көрүүтүгэр бэлэмнээн киллэрбитэ. Сокуоҥҥа саҥа уларыйыылар, чуолаан, үлэлээх буолуу сулууспаларыгар бүрүкүрээттии сыһыан суох буолуутугар туһаайыллаллар. Оччотугар нэһилиэнньэ үлэнэн хааччыллыытыгар көмөлөһөргө саҥа саҕахтара арыллыахтара. Тустаах баартыйа сокуоҥҥа киириэхтээх уларыйыылары дьүүллэһэр былаһааккалары тэрийиэхтээх.

Кулун тутар 29 күнүгэр Ил Түмэн  уочараттаах  XXV пленарнай мунньаҕар  РФ "Нэһилиэнньэ үлэлээх буолуутун туһунан" сокуонугар уларытыылары киллэриигэ аналлаах бырайыакка кыттыһан үлэлииргэ анал  дьаһалы ылыммыта. Сокуоҥҥа уларыйыы быһыытынан,  РФ  нэһилиэнньэтэ үлэлэлээх буолуутугар көдьүүстээх бэлиитикэни үрдэтии уонна үлэ ырыынагын сайыннарыы туһунан боппуруостар киирэллэр. Санатар буоллахха, бу сокуоҥҥа уларытыыны киллэриигэ  Ил Түмэҥҥэ «Биир ньыгыл Арассыыйа» баартыйа фракциятыгар  дьүүллэһии, кэпсэтии ааспыт нэдиэлэҕэ буолбута. Бу кэпсэтиигэ 32 дьокутаат кыттыыны ылбыта.

 Тустаах баартыйа фракциятын салайааччы Антонина Григорьева  парламент аадырыһыгар  «Биир ньыгыл Арассыыйа» баартыйа  фракциятын салайааччыларын сэбиэтин бэрэссэдээтэлэ Сергей  Неверовтан анал сурук кэлбитин туһунан иһитиннэрбитэ. “Ол сурукка  дьүүллэһии, кэпсэтии кэнниттэн киирбит  этиилэргит  сокуон барылын иккис ааҕыытыгар учуоттаныахтара”, -- диэн быһааран ыйбыттарын туһунан Антонина Афанасьевна эттэ.

Итинэн сиэттэрэн, бу  сокуон  бырайыагын барылыгар этиилэри киллэриигэ бүгүн, кулун тутар 30 күнүгэр, дьүүллэһии буолла. Мунньахха  Саха сириттэн РФ Госдуматыгар дьокутаат Галина Данчикова кытынна. Кэпсэтиини Ил Түмэн Бэрэссэдээтэлин солбуйааччы Антонина Григорьева иилээн-саҕалаан ыытта. Бу сокуоҥҥа  санааларын, туох үлэ ыытыллан эрэрин туһунан РФ Госдуматын  дьокутаата Галина Данчикова, СӨ Үлэлээх буолууга кэмитиэтин бэрэссэдээтэлин эбээһинэһин толорооччу Елена Калашникова, СӨ Идэлээх сойууһун федерациятын бэрэссэдээтэлэ Николай Дегтярев, Ил Түмэн доруобуйа харыстабылыгар, социальнай көмүскэлгэ, үлэҕэ уонна дьарыктаах буолууга сис кэмитиэтин бэрэссэдээтэлэ Владимир Чичигинаров уо.д.а. санааларын эттилэр.  СӨ Үлэлээх буолууга кэмитиэтин бэрэссэдээтэлин эбээһинэһин толорооччу Елена Калашникова   Ил Дархан  Айсен Николаев тустаах сокуону өйүүрүн биллэрбитин туһунан бэлиэтээн эттэ.

Галина Данчикова сүрүннээн ханнык уларыйыылар киириэхтээхтэригэр тохтоото. Ол курдук, үлэлээх буолууга судаарыстыбаннай сулууспаларга комплекснай саҥардыллыы үлэтэ ыытыллыахтаах. Нэһилиэнньэ үлэлээх буолуутун хааччыйыыга судаарыстыбаннай  өҥөнү туһаныыны биир кэлим сыыппараҕа киллэрии ыытыллыахтаах. Иккиһинэн,  нэһилиэнньэ үлэлээх буолуутун сулууспаларын үлэлэрин хаачыстыбата тупсарыгар  биир кэлим федеральнай систиэмэ оҥоһуллуохтаах. «Быраактыка өттүнэн ылсан үлэлиир сылдьар дьон бары биир санаанан кыттыһан, үлэлээн,  этиилэрбитин  муус устар 7 күнүгэр диэри киллэриэхпитин наада. Сокуон барылын иккис ааҕыллыыта Госдумаҕа муус устар 7 күнүгэр буолар. Онон этиилэри киллэрэргэ син бириэмэ баар”, -- диэн эттэ.  

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ