Издательский дом Редакция Подписка
Погода в Якутске: . -31 oC
КУРС ЦБ: $ 71,53 | 82,83

Бэҕэһээ, алтынньы 4 күнүгэр, Учуутал күнүн көрсө Саха Өрөспүүбүлүкэтин Ил Түмэнин билимҥэ, үөрэххэ, култуураҕа, СМИ-гэ уонна уопсастыбаннай түмсүүлэр дьыалаларыгар сис кэмитиэтин бэрэссэдээтэлэ, педагогикаҕа билим дуоктара, бэрэпиэссэр Феодосия Габышева бэрэсидьиэн гранын ылбыт «Эркээйи эргиирэ» бырагыраама пилотнай былаһааккаларын салайааччыларын кытта көрүстэ.

Бэҕэһээ, алтынньы 4 күнүгэр, Учуутал күнүн көрсө Саха Өрөспүүбүлүкэтин Ил Түмэнин билимҥэ, үөрэххэ, култуураҕа, СМИ-гэ уонна уопсастыбаннай түмсүүлэр дьыалаларыгар сис кэмитиэтин бэрэссэдээтэлэ, педагогикаҕа билим дуоктара, бэрэпиэссэр Феодосия Габышева бэрэсидьиэн гранын ылбыт «Эркээйи эргиирэ» бырагыраама пилотнай былаһааккаларын салайааччыларын кытта көрүстэ.

Аҕыйах хонуктааҕыта Арассыыйа Бэрэсидьиэнэ Владимир Путин култуура, искусство уонна айар (креативнай) эйгэ хайысхатыгар олохтообут гранын куонкуруһун түмүгэ биллибитэ. Маныаха Саха сирин тэрилтэлэрэ олус ситиһиилээхтик кыттан, федеральнай киинтэн 34 мөл. тахса суумалаах көмөнү ылыахтара. 33 тэрилтэ иhигэр «Эркээйи эргиирэ» бырагырааманан үлэни тэрийэр соруктаах икки үөрэх тэрилтэтэ киирбит.

Ол курдук Таатта улууһун А.Е. Кулаковскай аатынан Дьохсоҕон орто оскуолата «Сайын кэлиитэ» поэма ис хоһоонунан араас омук кыттыылаах, уруккулуу киэбинэн ыһыах ыытарга 2,5 мөл. уонна Кэбээйи улууһун Арҕас сэлиэнньэтин «Ача» 7№-дээх оҕо саада «Куокуй кэскилэ» диэн фольклор устуудьуйатын тэрийэргэ 500 тыһ.кэриҥэ сууманы ылбыттар.

6e523cae cbdf 440e b048 0a10798e2191

«Мин бүгүн «Эркээйи эргиирэ» бырагыраама айар бөлөҕүн сэргэх үлэтин хайҕыахпын уонна «туйгун» сыананы туруоруохпун баҕарабын. Кылгас кэм иһигэр тэтимнээх үлэ ыытылынна. Дьон санаата кэлэн, интэриэһин биллэрэн, далааһыннаах үлэҕэ кыттыһан эрэрэ киһини үөрдэр. Маҥнайгы ситиһиилэр номнуо кэллилэр», – диэн болҕомтоҕо ылла «Эркээйи эргиирэ» бырагыраама билим хайысхатыгар салайааччыта Феодосия Габышева.

Феодосия Васильевна федеральнай таһымҥа Конституцияҕа, «Үөрэхтээһин туһунан» сокуоҥҥа иитии үлэтин судаарыстыба соругун быһыытынан бигэтик киллэрбиттэрин, ону тэҥэ бэйэбит сокуоммут 22 ыстатыйатынан үөрэх эйгэтин тэрийэргэ норуоттар култууралара, историялара, тыллара, төрүт үгэстэрэ, дьарыктара, эригийиэммит уратылара учуоттаналлара мэктиэлэнэрин аҕынна.

3c564b56 87d7 4aab 9541 a879f070788d

«Эркээйи эргиирэ» бырагыраама олоххо ыпсар биир сүрүн хайысхатынан этнопедагогика билимин кыаҕын толору туһаныы буолар. Маныаха ньыма уонна чинчийии өттүттэн дириҥээһин, быраактыканан, сонун ис хоһоонноох үлэнэн байытыы ирдэнэр. Маны таһынан «иитии» диэн тиэрмини кыараҕастык көрбөккө, «сайдыы эйгэтэ» диэн хайысханы тутуһарбыт сөптөөх», – диэн сис кэмитиэт бэрэссэдээтэлэ СӨ үөрэҕин уонна билимин министиэристибэтин «Юные якутяне» тэрилтэтигэр болҕойорго көрдөстө.

2a453f30 9675 4561 9ab7 feeec327d105

Салгыы дьокутаат кэлбит ыалдьыттар бырайыактарын туһунан кэпсээннэрин иһиттэ, ыйытыы биэрэн, туох былааннаахтарын, грант харчытын туохха ороскуоттуулларын сиһилии туоһуласта. Кэбээйилэр «Музыка для всех» бырагырааманы кытта бырайыактарын дьүөрэлииллэригэр, Таатталарга Өксөкүлээх Өлөксөй аатынан култуура дьиэтин хотугу норуоттар оҕолоругар аналлаах үлэлэрин сэргииргэ, табыллар буоллаҕына, тэрээһиннэригэр ыҥыралларыгар сүбэлээтэ.  Өрөспүүбүлүкэтээҕи «Юные якутяне» ресурснай киин салалтатыгар «Эркээйи эргиирэ» бырагыраама сэргэх бырайыактарын «Дети Арктики» федеральнай бырагырааманы кытта хайдах алтыһыннарары, көмөнү ыларга чопчу ньымалары тобуларга сорудахтаата.

97d0bd42 9f67 4d07 a861 748b3237c2c1

Түмүккэ Федосия Габышева Саха Өрөспүүбүлүкэтин Ил Түмэнин сис кэмитиэтин аатыттан кыайыылаахтары эҕэрдэлээн туран, бырайыак салайааччыларыгар бочуотунай грамотаны, сүрүннээччилэргэ махтал сурук туттарда уонна «Эркээйи эргиирэ» бырагыраама айар бөлөҕүн аатыттан ноутбуктары бэлэх уунна. «Эркээйи эргиирэ» олохтон тахсыбыт бырагыраама, онон сайдар, кэҥиир кэскиллээх. Бу норуоттар бэйэлэрин баҕалара, оҕону олоххо бэлэмниир ньымалара», – диэн баҕа санаатын тиэртэ.

a853214f e418 4f94 bf82 c8e91e7ef336

d54310eb 2fe1 499a 93e3 2ffa17163cb6

dd3800c3 f5d3 43b2 8c92 311a0bcb8f10

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ