Издательский дом Редакция Подписка
Погода в Якутске: . 15 oC
КУРС ЦБ: $ 72,86 | 88,65

Тырааныспар нолуогун суох оҥоруу тула кэпсэтии күүскэ бара турар. Санатар буоллахха, коронавирус дьаҥа турбутун кэнниттэн бэрт сотору буолаат,  үгүс эрэгийиэннэргэ  урбаанньыттары өйүүр сыалтан  кинилэри тырааныспар нолуогуттан босхолообуттара. 

Тырааныспар нолуогун суох оҥоруу тула кэпсэтии күүскэ бара турар. Санатар буоллахха, коронавирус дьаҥа турбутун кэнниттэн бэрт сотору буолаат,  үгүс эрэгийиэннэргэ  урбаанньыттары өйүүр сыалтан  кинилэри тырааныспар нолуогуттан босхолообуттара. 

Билигин урбаанньыттары эрэ буолбакка, нэһилиэнньэни барытын босхолуур туһунан  кэпсэтии РФ Госдуматын таһымыгар бара турар.  Ол курдук, бу күннэргэ РФ Госдуматыгар  РЛДП фракциятын чилиэнэ Борис Пайкин  тырааныспар нолуогуттан  тимир көлөлөөхтөрү барыларын босхолуур туһунан этии киллэрдэ.  Дойду үрдүнэн нэһилиэнньэ дохуота күүскэ түһэ турар кэмигэр итинник быһаарыныы ылыллыахтааҕын туһунан парламентарий быһаарар.

«Мин санаабар, тырааныспар нолуогун суох гыныы Арассыыйа олохтоохторугар улахан өйөбүл буолуох этэ. Дьиҥэр, нэһилиэнньэ икки төгүл нолуогу төлүүр. Ол курдук, уматыкка уонна тырааныспарка. Манна биир өйдүөххэ наада. Дьон быһаччы туһаналларыгар эрэ  нолуогу төлүөхтээхтэр.  Туһамматтарын үрдүнэн онно харчыны биэрэллэрэ адьас өйдөммөт. Холобур, Арассыыйаҕа үгүс дьон тимир көлөнү дьыл кэмиттэн көрөн миинэр.  Аны туран, сорох ыал хас да массыыналаах эрээри, онтон биирдэрэ эрэ сүүрэр. Иккис гаражка сылы сыллаан турар. Онон бу боппуруос бэрт сотору кэминэн быһаарыллыан наада”, -- диэн Борис Пайкин санаатын үллэстэр. Санатар буоллахха,  бу боппуруос РФ Госдуматыгар  турбута ыраатта. Ол курдук, бастаан утаа «Сиэрдээх Арассыыйа» баартыйа бу боппуруоһу көтөхпүт буоллаҕына, соторутааҕыта «Биир ньыгыл Арассыыйа» баартыйа дьокутааттара кыттыcпыттара. Аны билигин  РЛДП кыттыста, онон бэрт сотору «тыас-уус” тахсар ини диэн эрэниэҕиҥ.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ