«Биир ньыгыл Арассыыйа» баартыйа  волонтерскай кииннэрэ өссө күүскэ үлэлиэхтэрэ уонна онтулара үтүө сыһыаннаах буолуу диэн бириинсипкэ олоҕуруоҕа.  Инньэ  диэн тустаах баартыйа  Генеральнай сэбиэтин  сэкирэтээрэ Андрей Турчак  Президиум мунньаҕар  иһитиннэрбит. Санатар буоллахха,  пандемия саҕаланыаҕыттан  анал  кииннэр  хас биирдии эрэгийиэҥҥэ аһыллан үлэлээбиттэрэ. Ити кэм устатыгар волонтердар тыһыынчанан киһиэхэ көмөлөспүттэрэ.  «Коронавирус дьаҥын тиэмэтэ биир санаалаах дьону түмтэ.  Социологическай  чинчийии түмүгүнэн  волонтер буолуон баҕалаах дьон ахсаана эбиллэ турар. Ол иһин волонтерскай  үлэни салгыыр буоллубут. «Биир ньыгыл Арассыыйа” баартыйа волонтерскай корпуһа  60 тыһ. тахса киһини түмтэ», -- диэн «Кыайыы волонтердара»  бүтүн Арассыыйатааҕы  уопсастыбаннай хамсааһынын ыстаабын бэрэссэдээтэлэ Ольга Амельченкова   кэпсээтэ.  Пандемия этэҥҥэ аастаҕына,  волонтердар  аҕам саастаах дьоҥҥо көмөлөһүөхтэрэ, экологическэй хабааннаах аахсыйалары тэрийиэхтэрэ.