Издательский дом Редакция Подписка
Погода в Якутске: . 15 oC
КУРС ЦБ: $ 72,86 | 88,65

Саха сирин дьонун-сэргэтин олоҕун-дьаһаҕын тупсарыы, үчүгэй усулуобуйанан хааччыйыы – Судаарыстыбаннай Дума дьокутаата Сөдүөт Тумусов үлэтин биир  сүрүн соруга.

Саха сирин дьонун-сэргэтин олоҕун-дьаһаҕын тупсарыы, үчүгэй усулуобуйанан хааччыйыы – Судаарыстыбаннай Дума дьокутаата Сөдүөт Тумусов үлэтин биир  сүрүн соруга.

4f07e10e eed7 4591 9b61 9e7c2b27c8d7Тумусов этэринэн, Аартыка уонна Хоту дойду олохтоохторо – Арассыыйа харабыллара, көмүскэллэрэ. Кураанах куолунан, туолбат эрэннэриилэринэн  дьарыктаммакка, хотуларга дьиҥнээхтик көмөлөһөр кэм тирээбитин бэлиэтиир.

Саха сирин төрүт олохтоох норуоттарын интэриэстэрин көмүскээн, кини наар Госдума үрдүк тырыбыынатыттан тыл этэн тахсар. 2020 сыл устата  27 араас сокуон барылын оҥорон, Госдума көрүүтүгэр киллэрдэ. Дьокутаат үлэтэ дириҥ уонна киэҥ, онон сорох эрэ өрүтүн көрөбүт:

1. Бу сааска диэри РФ Бырабыыталыстыбатын Бэрэссэдээтэлинэн үлэлээбит Дмитрий Медведев Маҕанныыр, Бүлүүлүүр, Намныыр суоллар  туһаайыыларынан баар ойуур пуондатыттан 458 гектардаах сири тыа хаһаайыстыбатын сиригэр көһөрөр туһунан Уураахха илии баттаабыта. Бу сирдэр элбэх оҕолоох ыаллар туһаларыгар бэриллиэхтэрэ. Дьокутаат Тумусов өҥөтө бу кыһалҕаны быһаарыыга олус улахан. Мэр Сардаана Авксентьева бар дьон ортотугар дьокутаакка махтала ону туоһулуур.

2. Сөдүөт Тумусов биэнсийэҕэ тахсыы сааһын үрдэтиини сорунуулаахтык утарсыбыта. Дойду Биэнсийэҕэ пуондатын бэрэбиэркэлээһин түмүгэр, 2017-2018 сс. бу тэрилтэ бэрт элбэх сыысхалы таһааран, бүддьүөттэн 377 мөл. солк. үп мэлийбит. Ол итээһин элбэх киһи биэнсийэтин итэҕэс ылыытыгар тиэрдибит.

3. Хоруона хамсыгын кэмигэр 3-гэр диэри саастаах оҕолоох ыалларга   5 тыһ. солк. көмө харчы төлөнөрүгэр, бастаан утаа “ийэ хапытаалын эрэ ылар ыалларга” диэбиттэрин, Тумусов күүскэ туруорсан, 3-гэр диэри саастаах оҕолоох бары ыалга төлүүрү ситиспитэ. Бу сокуону В.В. Путин бигэргэппитэ. 

4. Уһук Илин эрэгийиэҥҥэ уот тарыыбын тэҥнииргэ дьокутаат утумнаах үлэни ыыппытын түмүгэр, 2020 сылынан бүтүөхтээх өйөбүл 2028 сылга диэри уһатылынна. 2021 сылтан өйөбүл сыыйа кыччаан барыахтаах. Ол гынан баран, туһааннаах тэрилтэлэр 2028 сылга диэри өйөбүл тохтуурун толору бэлэмнээх көрсөллөрүгэр усулуобуйа оҥоһулунна. Эргиэн-урбаан тиһигэ саҥа тарыыпка итинник сыыйа киириитэ бородууктаҕа сыана эмискэ үрдээһинин харгыстыа.

5. Өссө биир кэрэхсэбиллээх сокуон барыла Госдума көрүүтүгэр сылдьар. Дьокутаат үрдүк үөрэх кыһаларын устудьуоннарыгар 500 тыһ. солк., орто үөрэх кыһаларын уһуйуллааччыларыгар 250 тыһ. солк. бааҥҥа анал счет аһан уурарга туруорсар.

6. Госдума доруобуйа харыстабылыгар сис кэмитиэтин бэрэссэдээтэлин бастакы солбуйааччы Сөдүөт Тумусов  доруобуйа харыстабылын бүддьүөтүн кээмэйэ улаатарыгар туһуламмыт элбэх үлэни ыытар. Кини хараҕын далыгар хас биирдии нэһилиэккэ биэлсэр-акушер пууна баар буолуутун хааччыйыы мэлдьи баар.

7. Уһук Илин ипотекатыгар туһааннаан, Сөдүөт Тумусов маннык үлэни ыытар:

- Ипотеканан туһанааччы сааһын 35-тэн 40-ҥа диэри улаатыннарыы;

- Бастакы усунуоһу 40 бырыһыантан 20-ҕэ диэри кыччатыы;

- Дьокуускай куоракка дьиэ сыанатын түһэрэр сыалтан ипотеканы эргэ дьиэни атыылаһарга туттууну көҥүллээһин;

- Кыбартыыраны тутааччыттан эрэ ылары ситиһии. Бэйэлэрин өҥөлөрүн сыанаҕа эбэр кыттыгастары туоратыы;

Күн бүгүн ити пууннартан Бырабыыталыстыба бииргэ эрэ сөбүлэстэ – бастакы усунуос 15 %-ҥа диэри түстэ.

Үлэ салҕанан барар.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ