Издательский дом Редакция Подписка
Погода в Якутске: . 15 oC
КУРС ЦБ: $ 72,86 | 88,65

РФ Судаарыстыбаннай Думатын уочараттаах пленарнай мунньаҕар «Гараас амнистиятын туһунан» сокуон барылын үһүс ааҕыыга көрүөхтэрэ.

РФ Судаарыстыбаннай Думатын уочараттаах пленарнай мунньаҕар «Гараас амнистиятын туһунан» сокуон барылын үһүс ааҕыыга көрүөхтэрэ.

Сокуон барыла дьон гараастарын уонна гараастара турар сирин бэйэлэрин ааттарыгар босхо оҥоттороллоругар кыах биэрэр. Маныаха олохтоох салайыныы уорганыгар биир сайабылыанньа эрэ суруйаллар. Бу иннинэ икки сайабылыанньаны ирдииллэрэ.

Ол курдук, хапытаалынайдык тутуллубут гараастары уонна гараастар анныларыгар баар сирдэри бэйэ аатыгар судургутук 2004 сыл ахсынньы 30 күнүгэр диэри тутуллубут буоллаҕына оҥотторуохха сөп. Ол туһунан гарааһы уокка, ититиигэ холботторбут докумуону уонна коммунальнай төлөбүр туһунан дуогабары көрдөрүөххэ эрэ наада. 2021 сыл балаҕан ыйыттан 2026 сыл балаҕан ыйыгар диэри босхо оҥотторуу болдьоҕун анаабыттар.

Сокуон барылын иккис ааҕыытыгар тимир гараастары бэйэ аатыгар суруттарыахха сөбүн туһунан этии киллэрбиттэр. Ол гынан баран, норуокка «ракушка» диэн ааттанар гараастар манна киирсибэттэр. Маны таһынан инбэлииттэр дьиэлэрин таһыгар аналлаах миэстэҕэ босхо гараас туруораллара бу сокуонунан көҥүллэнэр буолуоҕа.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ