Издательский дом Редакция Подписка
Погода в Якутске: . -24 oC
КУРС ЦБ: $ 71,53 | 82,83

Ил Түмэн XXVII уочараттаах пленарнай мунньаҕар “Саха Өрөспүүбүлүкэтин Төрүт сокуонун суутун көтүрэр туһунан” 241-6 №-дээх конституционнай сокуон барылын бастакы ааҕыыга ылыннылар. 

Ил Түмэн XXVII уочараттаах пленарнай мунньаҕар “Саха Өрөспүүбүлүкэтин Төрүт сокуонун суутун көтүрэр туһунан” 241-6 №-дээх конституционнай сокуон барылын бастакы ааҕыыга ылыннылар. 

Докумуону СӨ Ил Дархана, норуот дьокутааттара Антонина Григорьева, Виктор Федоров, Павел Петров, Юрий Николаев, Марина Силкина, Феодосия Габышева көҕүлээн оҥорбуттар.

Сүрүн иһитиннэриини Ил Түмэн бүддьүөккэ, үпкэ-харчыга, нолуокка уонна сыана бэлиитикэтигэр сис кэмитиэтин бэрэссэдээтэлэ Юрий Николаев оҥордо. Кини бу сокуон барыла өрөспүүбүлүкэ сокуонун РФ Төрүт сокуонун 118-с ыстатыйатын киэбигэр киллэрэрин эттэ. Онон 2021 сыл от ыйын 1 күнүттэн Саха Өрөспүүбүлүкэтин Төрүт сокуонун суута үлэтин тохтоторун туһунан иһитиннэрдэ. Онуоха диэри суут бырасыаска сылдьар дьыалалары көрөн бүтэриэхтээх.

Ил Түмэн спикерэ Петр Гоголев бүгүҥҥү уонна урут үлэлии сылдьыбыт Төрүт сокуон суутун судьуйаларыгар махталын биллэрдэ. “Бүгүн биһиги СӨ Төрүт сокуонун суутун үлэтин тохтотор туһунан быһаарыныы ылынныбыт. Онон өрөспүүбүлүкэ конституционнай сайдыытын биир түһүмэҕин түмүктээбит. Мантан ыла сайдыы саҥа кэрдиис кэмэ саҕаланар”, – диэн Петр Васильевич бэлиэтээтэ.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ