“Сокуон барыла биирдиилээн ураты түбэлтэҕэ РФ бэрэсидьиэнэ аныыр уонна босхолуур дуоһунастарыгар үлэлиир судаарыстыбаннай гражданскай сулууспалаахтарга судаарыстыбаннай гражданскай сулууспа болдьоҕун уһатарга сааһынан хааччахтааһын дьайбатын көрөр”, -- диэн үрүҥҥэ харанан чуолкайдык суруллан сылдьар.   

Санатан эттэххэ, сокуонунан судаарыстыбаннай сулууспалаах 65 сааһыгар диэри үлэлиир. Оттон саҥа докумуоҥҥа ыйылларынан, үрдүкү бөлөх дуоһунастаахтарга киирсэр чунуобунньук үлэлиир болдьоҕо 70 сааһыгар диэри уһатыллыан сөп. “Сокуон иннигэр бары тэҥмит” дэһэбит эрээри, инникитин сокуону таһынан, ураты тутуллар тойоттор кылааннара үөскүүһү. Владимир Путин 69-с сааһыгар үктэнэн сылдьар. Кини чугас эргимтэтэ эмиэ лаппа сааһырбытыттан сокуону күрүөһүлээһин тахсан эрэрэ чахчы. Кырдьыга даҕаны, Эмиэрикэттэн биһиги туох итэҕэстээхпитий? Бэрэсидьиэннэрэ Джо Байден 79 саастаах...